Hafrannsóknarstofnun hefur gefið úr ráðgjöf á leyfilegum afla rækju við Snæfellsnes frá 1. maí 2021 til 15. mars 2022. Ráðgjöfin hljóðar upp á að ekki verði veidd meiri en 393 tonn. 

Fram kemur á vef Hafrannsóknarstofnunar að ástand rækju við Snæfellsnes hafi ekki verið kannað með stofnstærðarmælingu í ár. 

Þar segir að stofnvísitala hefur sveiflast í kringum meðaltal árin 2008 til 2016 en frá árinu 2017 hefur hún verið töluvert lægri en árin á undan og eru þær lægstu frá árinu 2005.

Ráðgjöf Hafrannsóknastofnunar byggir á ráðgjöf fiskveiðiársins 2020/2021 en vegna óvissu um ástand stofnsins er hún lækkuð um 20%.

Þannig ráðleggur Hafrannsóknarstofnun í samræmi við varúðarsjónarmið. 

Lesa má nánar um ráðgjöfina hér.

Tengdar fréttir

Rækjuveiðar

Leggja til enga rækjuveiði í Ísafjarðardjúpi

• Óbreytt ráðgjöf rækju við Snæfellsnes
• Leggja til engar veiðar á rækju í Djúpinu
• Lækka rækjuráðgjöf en aldrei meiri ýsa á svæðinu
• „Það er búin að vera mokveiði“

» Fleiri tengdar fréttir

• Blogga um frétt