Írskir sjómenn eru ósáttir við að aflahlutdeild írskra útgerða hafi verið skert í kjölfar útgöngu Bretlands úr Evrópusambandinu. Til að mótmæla skerðingunni hafa um 50 togarar siglt að höfninni í Cork og gengu sjómennirnir síðan að skrifstofu Micheal Martin, forsætisráðherra landsins.

Fram kemur í umfjöllun Irish Times að mótmælin voru skipulögð af samtökum útgerða á Suður- og Vestur-Írlandi (e. The Irish South and West Fish Producer's Organisation). Markmið mómælanna eru sögð vera að vekja athygli á þeim erfiðleikum sem Brexit hefur valdið atvinnugreininni.

Samtök útgerðarmanna á Suður- og Vestur-Írlandi hvöttu félagsmenn til þátttöku í mótmælunum.

Segja þúsundir starfa í húfi

Patrick Murphy, framkvæmdastjóri samtakanna, segir Brexit-samninginn sem Evrópusambandið samþykkti 24. desember valda því að írskir sjómenn verði af milljónum evra ef þeir fá ekki það sem þeir telja sinn sanngjarna hlut í stofnum innan írsku lögsögunnar.

Þá fullyrðir Murphy að írskir sjómenn fái aðeins að veiða 15% af fisknum á írsku hafsvæði á meðan Bretar fá að veiða 75%. „Jafnframt er áætlað að um 4.000 störf eða fleiri glatist í veiðum á sjó og fiskiðnaði á landi í kjölfar þessa niðurskurðar.“

Charlie McConalogue, landbúnaðar- og sjávarútvegsráðherra Írlands, kvaðst í dag hafa skilning á þeirri byrði sem verið er að leggja á írska sjómenn og hefur hann lýst því yfir að stofnuð verði aðgerðastjórn sem á að leita leiða til að draga úr neikvæðum áhrifum Brexit í samstarfi við greinina.

Mótmælt víða

Sjómenn víða í Evrópusambandinu hafa mótmælt Brexit-samningnum og hrintu franskir sjómenn af stað mótmælum gegn ákvæðum samningsins sem hefur gert það að verkum að frönsk skip hafa hlotið mun minni aflaheimildir.

Frétt af mbl.is

Sjómenn gripu til aðgerða gegn breskum vörubílum

Tengdar fréttir

Brexit

Nigel Farage gefur kost á sér og leiðir flokk

• Verði auðveldara að fara til og frá Bretlandi
• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins

» Fleiri tengdar fréttir

• Blogga um frétt