Gildistaka innflutningsreglna breskra yfirvalda fyrir dýraafurðir frá evrópska efnahagssvæðinu hefur verið frestað á ný og eiga nú að taka gildi á næsta ári. Bresk yfirvöld tilkynntu um frestunina á vef sínum í dag.

Áður áttu nýjar reglur að öðlast gildi 1. október en nú mun krafa um forskráningu dýraafurða fyrir komu til Bretlands taka gildi 1. janúar 2022. Í því felst að sérstök tilkynning þarf að berast breskum stjórnvöldum að minnsta kosti 24 tíma áður en til að mynda fiskur frá Íslandi kemur til hafnar í Bretlandi. Þá mun krafa um heilbrigðisvottanir á að taka gildi 1. júlí 2022.

Reglurnar áttu fyrst að taka gildi 1. apríl, en var frestað til 1. október. Breytingarnar koma til í kjölfar breyttra aðstæðna viðskiptasambandi evrópska efnahagssvæðisisn og Bretlands í kjölfar Brexit.

Frétt af mbl.is

Krafa um heilbrigðisvottorð tekur gildi 1. október

Tengdar fréttir

Brexit

Nigel Farage gefur kost á sér og leiðir flokk

• Verði auðveldara að fara til og frá Bretlandi
• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins

» Fleiri tengdar fréttir

• Blogga um frétt