Jean Castex, forsætisráðherra Frakklands, segir Frakkland tilbúið í viðræður við Bretland vegna harðnandi deilna um úthlutun veiðiheimilda í breskri lögsögu. Það er þó með þeim fyrirvara að Bretland gangist við þeim skuldbindingum sem Frakkar segja vera í Brexit-samningunum fyrst.

Frönsk yfirvöld hafa hótað því að beita ýmsum viðskiptahindrunum til að skaða viðskipti með breskar vörur og afurðir auk þess sem því hefur verið hótað að loka á rafmagnsflutninga til Jersey í Ermarsundi.

Frétt af mbl.is

Frakkar leggja hald á breskan togara

Lagt var hald á breskan togara í gær vegna deilunnar en bresk yfirvöld hafa vakið athygli á því að 98% þeirra skipa Evrópusambandsins sem hafa sótt um heimild til veiða í breskri lögsögu hafa fengið veiðileyfi. Hvatti George Eustice, umhverfismálaráðherra Bretlands, til stillingar og sagði aðgerðir Frakka umfram tilefni.

Tengdar fréttir

Brexit

Nigel Farage gefur kost á sér og leiðir flokk

• Verði auðveldara að fara til og frá Bretlandi
• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins

» Fleiri tengdar fréttir

• Blogga um frétt