Þriðji ársfjórðungur úr tapi í hagnað
Setja bókamerki
Iceland Seafood hagnaðist um rúmlega 2,1 milljón evra á þriðja fjórðungi ársins, eða 316 milljónir íslenskra króna, samanborið við 350 þúsund evra tap á sama tímabili í fyrra, eða 52 milljónir króna.
Á árinu 2020 hafði sala fyrirtækisins dregist saman um 15% og mátti rekja samdráttinn aðallega til þeirra aðgerða sem beitt var til að ná tökum á kórónuveirufaraldrinum í Evrópu. Ágætur viðsnúningur virðist því hafa átt sér stað.
Tekjur fyrirtækisins á þriðja ársfjórðungi voru rúmlega 111 milljón evrur, sem er 16% vöxtur á milli ára. Þegar horft er til fyrstu níu mánaða ársins þá voru tekjurnar tæplega 320 m. evra og jukust einnig um 16% frá sama tímabili árið á undan.
Bjarni Ármannsson forstjóri Iceland Seafood segir í tilkynningu að þriðji ársfjórðungur hafi verið sterkur í Suður-Evrópu og sala og dreifing gengið vel. Árangurinn í norðurhluta Evrópu hafi verið lakari, sérstaklega í Bretlandi, þó svo að útibú félagsins á Írlandi hafi sýnt viðunandi niðurstöðu.
Eignir fyrirtækisins námu í lok tímabilsins rúmum 99 milljónum evra, eða 14,8 milljörðum króna, og hækkuðu um nærri 33% milli ára. Þær voru tæpar 75 milljónir evra á sama tíma í fyrra eða 11,1 milljarður króna.
Eigið fé Iceland Seafood nemur núna 88,7 milljónum evra, eða 13,2 milljörðum króna, en var á sama tíma í fyrra 230 milljónir evra, eða rúmir 12,3 milljarðar króna.
Eiginfjárhlutafall félagsins er 33,6%.
Bandaríkin segja Póllandi að þakka fyrir sig
Ríkisstjórn í fæðingu: Vilja efla landamæraeftirlit
Kvarta undan háttsemi Storytel
„Það er nokkuð vandasöm vinna“
Skorar á Gísla að segja frá fundi
Gæti gosið í kringum 20. mars
Telja sig starfa hjá löglegum fyrirtækjum
Skemmdarverk unnin á golfvelli Trumps í Skotlandi