„Þetta er mikil uppskeruhátíð fyrir okkur“
Setja bókamerki
Nýr Baldvin Njálsson:
- Smíðaður af Armon-skipasmíðastöðinni á Spáni.
- 65,6 metrar að lengd og 16 metrar að breidd.
- 2.879 brúttótonn.
- Hámarkshraði 15 hnútar.
- Lestin er 1.720 rúmmetrar.
- Aðalvélin af gerðinni Wartsila 6L32 með 2.990 kW.
- Tvær ljósavélar frá Scania. Annars vegar 596 kW D116 og hins vegar 109 með 168kW.
- Wartsila SCV 100 gír.
- Ein fjögurra blaða skrúfa sem er fimm metrar.
- Akkerisvinda er frá Iberisca en auk hennar er allt vindukerfið fyrir veiðarnar frá fyrirtækinu, alls um 30 vindur og eru þar á meðal þrjár togvindur með 48 tonna togkraft.
- Tveir kranar frá Ferri eru á þilfari, annar er 60 tm en hinn 20 tm.
- Frystikerfið er afkastamikið ammoníakskerfi frá Kinarca, allt að 80 tonn á sólarhring.
- Klaki hf. hefur annast millidekkið og setti upp fiskvinnslu og fiskidælu. Optimar annaðist frystilausnir og pökkun.
- Um borð er Optim-ICE BP 120 frá Kapp ehf. en kælibúnaðurinn byggir á fljótandi ís sem leysir af hólmi hefðbundinn flöguís.
- Siglingatækin eru frá Sonar.
- Sex einstaklingskáetur eru um borð og 11 tveggja manna káetur. Skipið rúmar því 28 manna áhöfn.
Nýr Baldvin Njálsson kom til hafnar í Keflavík á þriðjudag eftir siglingu frá skipasmíðastöðinni á Vigo á Spáni. Þann dag kom einnig út sérblað í tilefni af komu skipsins og hafði blaðamaður skellt á þráðinn og náð tali af skipstjóranum Arnari Óskarssyni á miðri heimsiglingu.
„Þetta gengur bara vel. Erum á stöðugum hraða og fer ágætlega með okkur,“ svaraði hann er spurt var um hvernig heimferðin gangi. Hann segir veðrið hafa ekki verið neitt sérstakt en norðvestanátt hefur verið ríkjandi á hafsvæðinu vestur af Evrópu.
Spurður hvernig skipið reynist áhöfninni svarar hann: „Það er nú ekki komin mikil reynsla á það enn þá en okkur finnst það vera frábært. Fer vel með okkur, er öflugt og hreyfir sig lítið.“
Þegar blaðamaður ræddi við Arnar voru um 1.300 sjómílur eftir af heimsiglingunni og var stefnt að því að koma til hafnar síðastliðna nótt. Siglingin gekk aðeins hægar en var að vænta vegna veðurs. „Við erum á 11 mílum núna en getum alveg keyrt þetta skip á 15 mílum við réttar aðstæður. Við vonum að við komumst hraðar á morgun. En við erum alla vega búnir að fá að prófa skipið við þessar aðstæður og það stendur sig vel.“
Mikil eftirvænting
Hann segir það einstaka tilfinningu að taka við nýju skipi eins og nýjum Baldvini Njálssyni enda búið að vinna að verkefninu í nokkur ár. „Þetta er mikil uppskeruhátíð fyrir okkur.“
Arnar var um árabil skipstjóri á Baldvini Njálssyni eldri. „Það er mikil breyting að fara af 30 ára gömlu skipi á splunkunýtt skip sem er miklu stærra,“ segir hann og bætir við að allur aðbúnaður sé með besta móti. „Við erum margir búnir að vera saman á sjó í mörg ár og mikil eftirvænting hjá mannskapnum.“
„Nú er bara að fara að búa til pening á þessu, koma öllu í virkni og ná þeim árangri sem til var ætlast. Nú fer alvaran að taka við og við ætlum að ná því markmiði sem sett var þegar lagt var af stað. Það verður krefjandi.“
Nýr Baldvin Njálsson:
- Smíðaður af Armon-skipasmíðastöðinni á Spáni.
- 65,6 metrar að lengd og 16 metrar að breidd.
- 2.879 brúttótonn.
- Hámarkshraði 15 hnútar.
- Lestin er 1.720 rúmmetrar.
- Aðalvélin af gerðinni Wartsila 6L32 með 2.990 kW.
- Tvær ljósavélar frá Scania. Annars vegar 596 kW D116 og hins vegar 109 með 168kW.
- Wartsila SCV 100 gír.
- Ein fjögurra blaða skrúfa sem er fimm metrar.
- Akkerisvinda er frá Iberisca en auk hennar er allt vindukerfið fyrir veiðarnar frá fyrirtækinu, alls um 30 vindur og eru þar á meðal þrjár togvindur með 48 tonna togkraft.
- Tveir kranar frá Ferri eru á þilfari, annar er 60 tm en hinn 20 tm.
- Frystikerfið er afkastamikið ammoníakskerfi frá Kinarca, allt að 80 tonn á sólarhring.
- Klaki hf. hefur annast millidekkið og setti upp fiskvinnslu og fiskidælu. Optimar annaðist frystilausnir og pökkun.
- Um borð er Optim-ICE BP 120 frá Kapp ehf. en kælibúnaðurinn byggir á fljótandi ís sem leysir af hólmi hefðbundinn flöguís.
- Siglingatækin eru frá Sonar.
- Sex einstaklingskáetur eru um borð og 11 tveggja manna káetur. Skipið rúmar því 28 manna áhöfn.
„Ekki fyrsti karlinn sem gerir ráð fyrir rauða dreglinum“
Svandís muni pína Sjálfstæðisflokkinn
Allt fullt af glerbrotum og laugin lokuð
Mikil verðbólga kom á óvart
Fylgismunur leikur á hnífsegg vestanhafs
Leggur fram vantrauststillögu á oddvitann