Eldurinn í verksmiðju Iceland Seafood í Grimsby á Englandi var minniháttar og urðu engin slys á fólki og takmarkaðar skemmdir. Atvikið mun hafa lítil áhrif á framleiðsluna, en rannsókn málsins  stendur yfir, að því er fram kemur í tilkynningu á vef félagsins.

„Ég get staðfest að um klukkan 19 í gær varð eldur í steikingarvél á einni af húðunarlínum okkar. Strax voru allir starfsmenn okkar fluttir á öruggan hátt úr byggingunni og hefur ekki verið tilkynnt um meiðsl. Slökkviliðið í Humberside mætti á staðinn og slökkti eldinn fljótt,“ segir Glen Mathews, rekstarstjóri Iceland Seafood í Bretlandi, í tilkynningunni.

Frétt af mbl.is

Eldur í verksmiðju Iceland Seafood á Englandi

„Eldurinn var einangraður og hélst í einu steikingarherbergi. Skemmdir voru takmarkaðar við svæðið í kringum steikingarvélina og ítarlegri rannsókn [málsins] stendur nú yfir. Við höfum tilkynnt viðskiptavinum okkar um ástandið en vegna þess að hægt var að ná tökum á eldinum mun atvikið hafa lágmarksáhrif á þjónustu okkar.“

„Ég er stoltur af fagmennsku og rólegu framkomu rekstrarteymisins á staðnum sem tókst fljótt á við atvikið. Þeir sýndu skuldbindingu sína og ástríðu fyrir fyrirtækinu við erfiðustu aðstæður., segir Mathews að lokum.

Tengdar fréttir

Iceland Seafood

Samþykktu hækkun vaxta í 13%

• Birna í stjórn Iceland Seafood
• Biðja kröfuhafa um leyfi til að selja IS UK
• Brim kaupir hlut Bjarna í Iceland Seafood
• Reksturinn í Bretlandi seldur á þúsund pund

» Fleiri tengdar fréttir

• Blogga um frétt