„Búið að vera alveg fljúgandi start“
Setja bókamerki
„Við erum ánægðir með þetta allt saman og alveg búið að vera frábært,“ segir Óðinn Gestsson, framkvæmdastjóri útgerðarinnar Norðureyris ehf. og fiskvinnslunnar Íslandssögu á Suðureyri, í samtali við 200 mílur. Það er eðlilega létt yfir honum enda veiðin búin að vera með ólíkindum hjá Einari Guðnasyni ÍS-303.
Fiskveiðiárið byrjaði af krafti hjá áhöfninni Einari Guðnasyni og í fyrstu löndun var báturinn með tæplega 17,8 tonna afla. Síðan hefur báturinn landað tvisvar til viðbótar og hefur tekist að ná 36 tonna afla í þessum þremur veiðiferðum. Óðinn segir veiðina hafa gengið gríðarlega vel að undanförnu. „Tíðin er búin að vera betri eftir 20. ágúst en í sumar. Þetta er nánast búið að snúast við. Kannski aðeins kaldari lofthitinn en þó búið að fara upp í 15 til 18 gráður.“
224 tonn í ágúst
Veiðin í ágúst var ekki lakari og landaði Einar Guðnason tæplega 224 tonnum í mánuðinum. Þar af 145,8 tonnum af þorski og 41,3 tonn af ýsu. „Alveg búin að vera glimrandi veiði. Þetta er óvanalegt hérna á grunnslóð í ágúst segja þeir,“ segir Óðinn.
Hann telur stöðuna ekki hafa getað verið betri sérstaklega þar sem þurfti að gera hlé í sumar vegna bilunar. „Við vorum í biliríi og byrjuðum aftur 27. júlí, þá vorum vð búin að vera stopp í mánuð. Þetta er búið að vera alveg fljúgandi start í ágúst og síðan alveg frábært.“
Norðureyri ehf. lét smíða Einar Guðnason ÍS-303 í kjölfar þess að fyrirrennarinn strandaði við Gölt siðla árs 2019. Báturinn, sem smíðaður var af Trefjum í Hafnarfirði hefur reynst útgerðinni vel en um er að ræða yfirbyggðan Cleopatra 50 beitingavélarbát.
Ævisaga Geirs H. Haarde að koma út
Höfum tekið á móti of mörgum flóttamönnum
Fíklar bíða í hundraðavís
„Hafði vissulega mikil áhrif á kerfin okkar“
Gekk bara einu sinni á uppsafnað orlof
„Hér eru tveir flugvellir“
/frimg/1/51/98/1519807.jpg)
Ekki dæmigerð dönsk kona
„Afar skemmtilegt verkefni“