„Hefur Fiskistofa aldrei heyrt um meðalhófsreglu?“ spurði Arthur Bogason, formaður Landssambands smábátaeigenda (LS), í setningarræðu sinni á aðalfundi LS á hótel Natura í dag. Vísaði Arthur til eftirlits Fiskistofu með smábátaútgerðum og fullyrti hann að „trillukarlar hafa stöðu grunaðs þar til annað kemur í ljós“.

Telur hann Fiskistofu hafa beitt smábátaútgerðum allt of mikilli hörku við hin minnstu brot en á sama tíma ekki fylgst með stæri fiskiskipum þar sem afli er mun meiri.

Arthur segir Fiskistofu ekki hafa rannsakað ábendingar um stórfellt brottkast svo sem að um borð í togurum væri búnaður sem „hakkar í spað“ afla sem sé hent. Hafi stofnunin borið fyrir sér manneklu, en á sama tíma hafi smábáti sem hent hefur „nokkrum smá-ufsum“ hótað með allt að sex ára fangelsi.

Í lok ræðu sinnar hvatti Arthur til samstöðu innan félagsins. „Það er svo margfalt meira sem sameinar okkur.“

mbl.is/Kristinn Magnússon

Örn Pálsson, framkvæmdastjóri LS, Minnti í ræðu sinni á kröfu félagsins um að strandveiðisjómönnum verði tryggðir 48 veiðidagar.

Þá sagði hann LS fagna þingsályktunartillögu fimm þingmanna VG er snýr að því að auka hlutdeild atvinnu- og byggðakvóta í heildaraflaheimildum úr 5,3% í 8,3%.

Frétt af mbl.is

Telja tillögu þingmanna VG vega á móti samþjöppun

Þó leggur LS til að kvótinn sem bætt verði við verði sóttur af stórútgerðinni í aflamarkskerfinu og að krókaaflamarksbátarnir verði undanþegnir þessum skerðingum. Enda hefur hagræðing stórútgerðarinnar verið helsta ástæða þess að störfum hafi fækkað, fullyrti Örn.

Aðalfundinum lýkur á morgun en þá verða bornar undir fundinn tillögur málefnanefnda sem hófur störf í dag.

Örn Pálsson (t.h.) segir eðlilegt að auknar heimildir til atvinnu- og byggðakvóta verði teknar af stórútgerðinni. mbl.is/Kristinn Magnússon

Tengdar fréttir

Smábátaveiðar

Góð aflabrögð hjá bátunum á Suðureyri

• Lýsa áhyggjum af línuívilnun
• Bjóða milljarð í þorskkvóta
• Aðalfundur LS haldinn í fertugasta sinn
• Strandveiðiflotinn skilaði 5 milljörðum króna

» Fleiri tengdar fréttir

Eftirlit með veiðum

Sviptu Vestmannaey veiðileyfi í 2 vikur

• Drónaeftirlit verður einnig í nóvember
• Úrskurður Persónuverndar hvorki fugl né fiskur
• Viðar tekur við veiðieftirlitssviði
• Leggja til bann við heimavigtun bolfisks

» Fleiri tengdar fréttir

Strandveiðar

„Þetta er bara hræðsluáróður“

• Lýsa áhyggjum af áformum ríkisstjórnar
• Óásættanlegt að taka atvinnu af öðrum
• „Þetta er svo mikil bull umræða“
• Binda enda á 63 ára útgerðarsögu

» Fleiri tengdar fréttir

• 1 blogg um fréttina

Bloggað um fréttina

• Grímur Kjartansson: ESB gefur skít í trillukarla