„Það er búin að vera mokveiði“
Setja bókamerki
Haraldur Konráðsson, skipstjóri á rækjubátnum Val ÍS-20, er léttur í lund er blaðamaður nær af honum tali enda hefur verið í nógu að snúast að undanförnu á rækjuveiðum í Ísafjarðardjúpi. „Þetta hefur gengið ljómandi vel. Það er búin að vera mokveiði.“
Auk Haraldar er aðeins einn í viðbót í áhöfninni á Val ÍS, Baldur Ingimar Aðalsteinsson, og þýðir því ekki að beita neinum loðbandstökum þegar vel fiskast. „Þegar er svona veiði á svona litlum bát þá erum við meira á reki en á togi,“ segir Haraldur og skellir upp úr. „Við þurfum að vera á fullu að ganga frá aflanum. Þannig var veiðin um tíma að við fengum þrjú tonn af rækju á hálftíma. Þetta er flott og góð rækja.“
Valur ÍS landaði fyrsta afla ársins 19. janúar síðastliðinn þegar komið var til hafnar með tæplega sjö tonn. Síðan hefur verið landað tíu sinnum til viðbótar, síðast í gær þegar var landað tæpum 5,3 tonnum. Alls hefur verið landað 70 tonnum til þessa eða 6,3 tonnum af rækju í róðri að meðaltali.
Lesa má viðtalið við Harald í Morgunblaðinu í dag.
Áköf hrina og talsvert magn kviku á ferðinni
Fólk fari eftir tilmælum: Mögulega stærri sviðsmynd
Enn sjást merki um hreyfingar en dregur úr aflögun
„Við vorum búin að bíða eftir þessu“
„Átti von á öflugra gosi í byrjun“
Beint: Eldgos á Reykjanesskaga
Gossprungan „ekki langt í burtu“
„Alltaf einhverjir sem vilja ekki fara“
