Boðar ekki breytingar í rekstri Leo Seafood og Ós
Setja bókamerki
Sigurgeir B. Kristgeirsson, framkvæmdastjóri Vinnslustöðvarinnar, segir ekki ástæðu til að óttast að gerðar verði breytingar í rekstri Leo Seafood ehf. eða Ós ehf. við yfirtöku Vinnslustöðvarinnar, en samningur þess efnis kemur til framkvæmda sumardaginn fyrsta (fimmtudag 20. apríl).
Samkeppniseftirlitið samþykkti nýverið kaup Vinnslustöðvarinnar á félögunum tveimur en við það fer kvótahlutdeild samsteypunnar í 7% í þorskígildiskílóum. Þá gerði Fiskistofa ekki athugasemdir við kaupin.
„Við munum gera út Þórunni Sveinsdóttur áfram með áhöfninni sem þar er og engar breytingar eru heldur fyrirsjáanlegar í Leo Seafood. Félögin sem Vinnslustöðin er nú að kaupa eru vel rekin og góð,“ segir Sigurgeir í færslu á vef Vinnslustöðvarinnar.
„Samningurinn er stærsti viðburður sinnar tegundar í sögu Vinnslustöðvarinnar. Við erum að kaupa sem svarar til 1% af aflaheimildum landsmanna í þorskígildum og nú bætast við 100 starfsmenn í VSV-samstæðuna þar sem fyrir eru um 370 manns á launaskrá.“
Skrifar um ást og sorg í lífi Jónasar
„Hafði vissulega mikil áhrif á kerfin okkar“
„Svarið er held ég flestum augljóst“
Svandís: Skuli stefnt að kosningum í vor
Skýrsla um Hvassahraun „vonbrigði“
„Hér eru tveir flugvellir“
Höfum tekið á móti of mörgum flóttamönnum