Kræklingalínur, sem voru yfirgefnar á fimm ræktunarstöðum í Eyjafirði í kjölfar gjaldþrots félags fyrir áratug, ógna öryggi sjófarenda og hafa áhrif á rekstur haftengdrar starfsemi. Fyrri hreinsunartilraunir hafa borið takmarkaðan árangur.

Í sjómannadagsblaði 200 mílna sem fylgir Morgunblaðinu í dag kallar Freyr Antonsson, framkvæmdastjóri Arctic SeaTours, eftir átaki til að hreinsa fjörðinn, en bátar félagsins hafa tvisvar lent í því að línurnar fari í skrúfu bátanna á meðan farþegar eru um borð.

Línurnar sem festust nýverið í skrúfu báts félagsins fyllti heilt kar og vó um hálft tonn. Ljósmynd/Aðsend

„Því miður er mikið af þessum línum enn þá í sjónum á ótal stöðum. Það skapar mikla hættu fyrir báta og skip sem sigla um hér í Eyjafirði,“ segir Freyr og bendir á að vandinn virðist vera að ekki virðist ljóst hver eigi að bera kostnaðinn af því að fjarlægja línurnar.

Nánar er fjallað um málið í sjómannadagsblaði 200 mílna sem fylgir Morgunblaðinu í dag.

Tengdar fréttir

Öryggi sjófarenda

Náðu að bjarga sjón háseta

• Heppinn að hafa náð að kalla eftir hjálp
• Björgunarskipið Þór selt til Súðavíkur
• Líklega hjálmi að þakka að ekki fór verr
• Skipum fækkar ef fjármagn fæst ekki

» Fleiri tengdar fréttir