Hluthafar Ísfélags Vestmannaeyja hf. og Ramma hf. í Fjallabyggð samþykktu samruna félaganna tveggja á hluthafafundi í gær. Sameinað félag mun starfa undir nafninu Ísfélag hf. Var sameiningin samþykkt með öllum greiddum atkvæðum.

Í stjórn félagsins voru kjörin þau Einar Sigurðsson, Gunnar Sigvaldason, Gunnlaugur S. Gunnlaugsson, Guðbjörg Matthíasdóttir og Steinunn Marteinsdóttir. Gunnlaugur S. Gunnlaugsson verður stjórnarformaður félagsins.

Stefán Friðriksson, núverandi framkvæmdastjóri Ísfélags Vestmannaeyja hf., mun stýra hinu sameinaða félagi, með aðsetur í Vestmannaeyjum, og Ólafur H. Marteinsson, núverandi framkvæmdastjóri Ramma hf., verður aðstoðarframkvæmdastjóri með aðsetur í Fjallabyggð.

Lesa má meira um málið í Morgunblaðinu í dag. 

Tengdar fréttir

Ísfélag hf

Fjárfesta í pökkunarlausn frá Marel

• Bókfæra mikinn hagnað eftir skráningu
• Átakanlegt að missa fyrirtækið úr bænum
• Öllu starfsfólki fiskvinnslunnar sagt upp
• Ísfélagið kaupir skoska skipið Pathway

» Fleiri tengdar fréttir