Telja okuskipti tekin fram yfir lífríki hafsins
Setja bókamerki
Smábátaeigendur óttast að lög sem ætlað er að skila minni kolefnislosun fiskiskipa á grunnslóð leiði til þess að þorskstofninum verði ógnað með því að stærri skipum verði hleypt inn á uppvaxtarsvæði þorskseiða, að því er fram kemur í Morgunblaðinu.
Þann 30. maí síðastliðinn samþykkti Alþingi frumvarp Svandísar Svavarsdóttur matvælaráðherra um breytingu á lögum um veiðar í fiskveiðilandhelgi Íslands með tilliti til aflvísa. Með breyttum viðmiðum laganna er vonast til að útgerðir geti tekið í notkun ný og sparneytnari skip sem hafa aukið afl vegna stærri skrúfu.
„Landssamband smábátaeigenda (LS) mótmælti frumvarpi ráðherra á öllum stigum og færði fyrir því ýmis rök. Það eru því mikil vonbrigði að frumvarpið hafi verið samþykkt sem lög. LS hefur þegar hafið undirbúning að því að lögunum verði breytt, enda líklega ekki seinna vænna ef koma á í veg fyrir innheimtu skaðabóta þeirra sem nú eru að útbúa sig til að sækja á grunnslóðina, sem þeir gátu ekki áður,“ segir Örn Pálsson, framkvæmdastjóri LS.
Bendir hann á rannsókn Michelle Lorraine Valliant sem sýnt hefur fram á að ungviði þorsktegunda leita í kalkþörungabreiður í íslenskum fjörðum sem mynda mikilvægt búsvæði.
/frimg/1/40/91/1409169.jpg)
„Með breytingunni verður vélarafl og togkraftur ekki lengur hamlandi þáttur á trollveiðar innan 12 mílna landhelgislínunnar. Með breytingunni er verið að raska því jafnvægi sem ríkt hefur við veiðar og nýtingu á grunnslóðinni, allt í nafni orkuskipta,“ segir hann.
Nánar má lesa um málið í Morgunblaðinu.
Skólanum lokað vegna músagangs
„Ég veit hver aðkoma ráðuneytisins var“
Andleg og líkamleg heilsa verri en annarra
/frimg/1/46/36/1463611.jpg)
„Það er búið að þvarga hérna fram og til baka“
Skrifstofustjóri Ásthildar fór í karphúsið
Skemmdir á tækjum og búnaði á skíðasvæðinu
„Lán að sá sem stóð við ræsið heyrði skruðningana“
Flokkarnir þurfa ekki að endurgreiða styrki