Landa sífellt meira af hinum ófríða snarphala
Setja bókamerki
Snarphali er eflaust ein af þeim fiskitegundum sem fæstir Íslendingar kannast við en hann
þykir ágætur matfiskur, ekki ósvipaður þorski og öðrum slíkum botnfiski á bragðið. Það sem af er fiskveiðiári 2022/2023 hafa íslensk skip landað rúmlega 60 tonnum af snarphala og er það meira en gert var þrjú fiskveiðiárin á undan, að því er fram kom í síðasta blaði 200 mílna.
Segja má að snarphalinn hafi andlit sem aðeins móðir getur elskað. Fiskurinn er lang- og þunnvaxinn með haus sem er um fjórðungur búksins að stærð og gríðarstór augu. Það er raunar ekki furða að enskumælandi þjóðir kalli hann „onion eye“ eða laukauga í beinni þýðingu.
Snarphalar geta orðið um metri að lengd. Sá stærsti sem veiðst hefur var skráður 110 sentímetrar og náðist á grálúðuslóð vestan Víkuráls 1995, en tegundin er algengur meðafli á grálúðuveiðum.
Snæfell landaði 30 tonnum
Frá upphafi fiskveiðiársins 2019/2020 hafa íslensk fiskiskip landað tæplega 193 tonnum af snarphala, að því er segir í talnagögnum Fiskistofu. Þar af hefur Guðmundur í Nesi RE-13, sem Útgerðarfélag Reykjavíkur ehf. gerir út, landað tæplega 97 tonnum eða helmingi þess afla sem skipin hafa veitt. Var mesti aflinn fiskveiðiárið 2021/2022 þegar Guðmundur í Nesi landaði 33,2 tonnum en það sem af er fiskveiðiári hefur skipið landað 23,1 tonni.
Sérstaka athygli vekur að Samherji virðist ætla að verða aflahæst í tegundinni á fiskveiðiárinu og hefur Snæfell EA-310 þegar landað 30,5 tonnum af snarphala. Fiskveiðiárið 2021/2022 landaði Snæfell aðeins tæpum þremur tonnum og árin þar á undan lönduðu skip Samherja nánast engum snarphala.
Nánar má lesa um málið í síðasta blaði 200 mílna.
„Aldrei verið svona hrædd“
Engar vísbendingar um að kvika sé á leiðinni upp
Vildu yfirráð Íslands á Grænlandi
Allir landsbyggðarþingmenn fá styrk
Oddviti Suðurkjördæmis aldrei búið í Suðurkjördæmi
Kostnaður við Elvanse stóraukist
Pyntuðu mann í tvo tíma í Vatnagörðum
Skoða mögulegar verkfallsaðgerðir