Tapa peningum hvern mánuð án kjarasamnings
Setja bókamerki
Formaður Sjómannafélags Eyjafjarðar er ekki ánægður með niðurstöður atkvæðagreiðslu um kjarasamning sjómanna í mars síðastliðnum og bindur vonir við að hægt verði að greiða atkvæði um nýjan kjarasamning fyrir lok september, að því er fram kom í viðtali sem birt var í 200 mílum.
Kjarasamningurinn sem borinn var undir sjómenn var felldur með hátt í 67% atkvæða, en samningar hafa verið lausir frá því í árslok 2019.
Trausti Jörundarson, formaður Sjómannafélags Eyjafjarðar, segir í viðtalinu vonbrigði að samningurinn skyldi ekki hljóta samþykki félagsmanna en bætir við að kjörsókn hafi ekki verið nema 47%.
Grunnur að samningi
„Það liggur fyrir ágætis grunnur sem semja má nánar um og spurning hvort að hægt sé að breyta einhverjum atriðum sem munu stuðla að því að samningurinn fari auðveldar í gegnum atkvæðagreiðslu hjá sjómönnum. Ábyrgðin liggur hjá okkur öllum sem komum að samningagerðinni og væri óðs manns æði að láta kjarasamningsmálin standa óhreyfð í lengri tíma. Lít ég svo á að fyrir hvern mánuð sem líður án þess að nýr samningur taki gildi, séu mínir félagsmenn að tapa peningum og fara á mis við mikilvæg réttindi,“ segir Trausti.
„Núna erum við að sigla inn í sumarið og litlar líkur á að mikil hreyfing verði á málinu á meðan veiðar standa hæst, en kannski að okkur auðnist að keyra þetta í gegn í ágúst eða í byrjun september. Ættum við helst að ná að finna lausn fyrir áramótin, og helst ná að halda atkvæðagreiðslu fyrir lok september.“
Viðtalið við Trausta má lesa í heild sini í síðasta blaði 200 mílna.
Andleg og líkamleg heilsa verri en annarra
Viðtalið sem sprengdi meirihlutann?
„Lán að sá sem stóð við ræsið heyrði skruðningana“
„Bara eins og í annarri stórgripaslátrun“
Skemmdir á tækjum og búnaði á skíðasvæðinu
Ekkert breyst í samstarfinu nema fylgi flokkanna
Nýtt að gestalistinn sé umræðuefni á Alþingi
„Ég veit hver aðkoma ráðuneytisins var“