Svör Páls Gunnars sögð aumkunarverð
Setja bókamerki
„Mér finnst svör Páls Gunnars Pálssonar við athugasemdum okkar aumkunarverð,“ segir Guðmundur Kristjánsson forstjóri Brims hf. í samtali við Morgunblaðið, en hann var spurður álits á ummælum Páls Gunnars um að Samkeppniseftirlitið hefði haft frumkvæði að því að ráðast í athugun á stjórnunar- og eignatengslum í sjávarútvegi, en ekki matvælaráðuneytið.
„Ef samningur Samkeppniseftirlitsins og matvælaráðuneytisins er skoðaður þá stendur þar skýrum stöfum í fjórðu grein hans að Samkeppniseftirlitið greini matvælaráðuneytinu reglulega frá stöðu verkefnisins á meðan á samningstíma stendur. Í 5. grein segir síðan að ráðuneytið hafi rétt á að stöðva millifærslur eða fresta þeim telji það framkvæmd verkefnisins ekki í samræmi við samninginn. Ráðuneytið hefur því rétt á að vita allt um hvað er verið að fjalla um í athuguninni,“ sagði Guðmundur.
„Matvælaráðuneytið á sem sagt að fá reglulega upplýsingar um stöðu mála og ef það er ekki sátt við vinnubrögðin, þá borgar það ekki neitt. Samningurinn talar sínu máli og það er greinilegt að Páll Gunnar er að segja ósatt um efni hans,“ segir Guðmundur.
Matvælaráðuneyti sigi eftirlitsstofnunum á fólk
„Við teljum að framkvæmdavaldið geti ekki samið við eftirlitsstofnanir um að rannsaka borgarana í landinu. Það er kjarni málsins að mínu mati. Það á ekki að vera hægt að matvælaráðuneytið sigi eftirlitsstofnun á fólk í landinu eins og hér er gert,“ segir hann.
Ef úrskurður áfrýjunarnefndarinnar verður Brimi í óhag, hvað þá?
„Þá þurfum við að meta það hvort við skilum inn umbeðnum gögnum eða kærum málið til íslenskra dómstóla. Stjórn Brims mun fara yfir málið,“ segir Guðmundur Kristjánsson.
Umfjöllunina má sjá í heild sinni í Morgunblaðinu í dag, föstudag.
Viðræðum frestað en hugmyndir komnar
Kona á fertugsaldri lést á Sæbraut
„Nú er kominn hiti í mannskapinn“
Svona vilja stjórnvöld bregðast við PISA
Dapurleg framkoma í nótt: Sumir reyndu oftar en þrisvar
Líkur á dyngjugosi þykja fara vaxandi
„Er ég virkilega að deyja?“
Vélarbilun hjá Play riðlar vöktum slökkviliðsins