Brim hefur ákveðið að loka fiskvinnslu dótturfélagsins Kambs ehf. í Hafnarfirði í síðasta lagi 30. október og hefur flestum af 31 starfsmanni verið sagt upp. Ákvörðunin er sögð vegna mikils samdráttar í útgefnum veiðiheimildum botnfisks og er lagt upp með að færa vinnsluna í botnfiskvinnslu Brims í Norðurgarði í Reykjavík.

Þetta kemur fram í tilkynningu á vef Brims.

Þar segir að samráð hafi verið haft við fulltrúa stéttarfélaga starfsmanna í aðdraganda ákvarðarinnar og að leitast verði við að finna starfsmönnum sambærileg störf í fiskvinnslu Brims í Norðurgarði í Reykjavík eða önnur störf innan samstæðu Brims á næstu vikum. Auk þess verði þeim veitt ráðgjöf og aðstoð við atvinnuleit.

Brim keypti fiskvinnsluna Kamb ehf. og útgerðina Grábrók ehf. á þrjá milljarða árið 2019.

Frétt af mbl.is

Brim kaupir útgerð og vinnslu fyrir 3 milljarða

„Umtalsverðar sviptingar hafa verið í sjávarútvegi og á alþjóðamörkuðum frá því Brim festi kaup á Fiskvinnslunni Kambi í október 2019. Heildar aflaheimildir í þorski á Íslandsmiðum hafa verið skertar um 23,5%, samkeppnisstaða við erlendar fiskvinnslur um kaup á hráefni/fiski til vinnslu á innlendum fiskmörkuðum hefur verið erfið, verðið hefur verið hátt og afkoman af vinnslu á því hráefni því engin auk þessa hafa orðið miklar kostnaðarhækkanir, bæði innanlands og erlendis, sem hafa haft áhrif á reksturinn,“ segir í tilkynningunni.

Kveðst fyrirtækið vera að „bregðast við breyttum rekstraraðstæðum, styrkja botnfiskvinnslu Brims og þannig styðja við rekstur félagsins til lengri tíma.“ 

Tengdar fréttir

Brim

7,5 milljarða fyrir kvóta

• Stærsta skip flotans heitir nú Þerney
• Brim fjárfesir í vistvænum krapavélum
• Stjórn Brims helst óbreytt
• Hagnaður Brims dróst saman um 20%

» Fleiri tengdar fréttir

• Blogga um frétt