Ný ytri höfn á Sauðárkróki er forsenda uppbyggingu nýrrar hátæknifiskvinnslu FISK Seafood, að mati byggðaráðs Skagafjarðar. Telur ráðið ástæðu til að framkvæmdum verði hraðað og þeim lokið eigi síðar en snemma árs 2026.

Þetta kemur fram í bókun ráðsins vegna draga að samgönguáætlun fyrir árin 2024-2038.

Þar segir að framkvæmdin sé „forsenda uppbyggingar nýrrar hátæknifiskvinnslu FISK Seafood á Sauðárkróki og hins vegar að þær eru jafnframt forsenda þess að orkuskipti geti átt sér stað í skipaflota fyrirtækisins og að Sauðárkrókshöfn verði til framtíðar viðkomustaður strandflutninga. Orkuskipti kalla á hafnaraðstöðu sem tekur á móti skipum sem rista dýpra en núverandi höfn á Sauðárkróki ræður við.“

Árið 2021 boðaði Friðbjörn Ásbjörnsson, framkvæmdastjóri FISK Seafood, stórfellda uppbyggingu og umfangsmiklar fjárfestingar.

Frétt af mbl.is

Boðar miklar fjárfestingar

Tengdar fréttir

FISK Seafood

Samfélagssporið jókst um 20% milli ára

• Höfnin stendur samkeppnishæfni fyrir þrifum
• Kaupa 100 tonna kvóta af Saltveri
• 300 milljóna króna afla landað á Sauðárkróki
• Hafa landað 485 tonnum á Sauðárkróki

» Fleiri tengdar fréttir

• Blogga um frétt