Talað um metverð á makríl í Noregi
Setja bókamerki
Færeyska skipið Ango seldi 690 tonn af makríl á 10,4 norskar krónu á kíló til Pelagia Bodø í byrjun ágúst. Fiskurinn var seldur í bræðslu og þykir því verðið heldur hátt enda er skilgreint lágmarksverð fyrir slíkan fisk á yfirstandandi vertíð 6,26 norskar krónur á kíló, samkvæmt Norges Sildesalgslag.
Heildarverðmæti aflans er því talinn vera um 7,1 milljón norskar krónur sem er jafnvirði 88,6 milljóna íslenskra króna.
Ole Hamre, skipstjóri á Krossfjord, sem gert er út frá Öygarden fyrir utan Bergen, staðfestir í samtali við Fiskeribladet að verð hafa verið góð, bæði á makríl og norsk-íslenskri síld. Hann telur verðið sem Ango hafi fengið sé met.
Nils Sperre AS sérhæfir sig í vinnslu makrílafurða til manneldis en Geir Sperre, sölustjóri uppsjávarafurða hjá fyrirtækinu, kveðst í samtali við Fiskeribladet ekki vilja tjá sig um hver hugsanleg verð á makríl til manneldis kunna að verða.
Lágmarksverð Norges Sildesalgslag fyrir ferskan makríl í slíka vinnslu er 14,4 norskar krónur á kiló.
„Ég vil ekki fara út með neitt. Hér verða bátarnir að ná makrílnum, svo komumst við að því á hvaða stigi við þurfum að vera á þegar allt kemur til alls, segir Sperre. Hann bendir á að verðlagið mun ráðast af gæðum, stærðarsamsetningu og gengi.
„Ef við tímasetjum ekki samskiptin þá gerist ekki neitt“
Erlendir þjófar stela frá gestum á Þingvöllum
Óttast að mörg hundruð séu látnir í Mjanmar
Framkvæmdir kærðar til lögreglu
Of háar einkunnir og of lítið skipulag
Jón Gnarr tók vakt á Stuðlum í gær
