Hefur drónaeftirlitið dregið úr brottkasti?
Setja bókamerki
Stórfelld aukning í VS-afla hefur átt sér stað undanfarin ár, en VS-afli sem er afli sem skipstjóra er heimilt að ákveða að reiknist ekki til kvóta skipsins. Þessi heimild takmarkast við 0,5% af uppsjávarafla og 5% af öðrum sjávarafla og er hugsunin að þetta úrræði dragi úr brottkasti á afla sem viðkomandi fiskiskip hafi ekki veiðiheimildir fyrir.
Fiskistofa tók upp eftirlit með drónum árið 2021 og sást þá brottkast í 44,26% af eftirlitsflugi stofnunarinnar. Hlutfallið var síðan orðið 30,92% árið 2022. „Heilt yfir má telja að það hafi dregið úr brottkasti. Ástandið er engu að síður það að brottkast er greint í 20% flugferða það sem af er ári,“ segir Elín B. Ragnarsdóttir, sviðsstjóri veiðieftirlits hjá stofnuninni, í síðasta blaði 200 mílna.
Samkvæmt skráningu Fiskistofu hefur á yfirstandandi fiskveiðiári verið landað 6.683 tonnum af svokölluðum VS-afla sem er 63% aukningt frá síðasta fiskveiðiári. Þar af er rétt rúmur helmingur þorskur, eða tæp 3.556 tonn, og er það 62% aukning frá fyrra fiskveiðiári. Jafnframt eykst ýsuafli sem skráður er sem VS-afli um 51% í 2.171 tonn, en gullkarfi sem flokkaður er sem slíkur afli er kominn í 586 tonn sem er tæplega fjórföldun frá fiskveiðiárinu 2021/2022.
Elín segir ekki liggja fyrir nákvæm skýring á þessari þróun og enn eigi eftir að greina betur stöðuna. Hins vegar eru vísbendingar um að dregið hafi úr brottkasti og kann að vera að skipstjórar séu í auknum mæli að nýta VS-aflaheimildina.
Nánar er fjallað um málið í síðasta blaði 200 mílna.
Kvarta undan háttsemi Storytel
Gæti gosið í kringum 20. mars
Telja sig starfa hjá löglegum fyrirtækjum
Bandaríkin segja Póllandi að þakka fyrir sig
Verkföll valda gríðarlegri röskun
Mesta tjónið sagt vera á Akranesi
„Engill dauðans“ framseldur til Noregs
Tillagan meira í takti við sjónarmið lífeyrissjóða