Svandís Svavarsdóttir matvælaráðherra segir ummæli félagasamtaka smá­báta­eig­enda, strand­veiðimanna, fisk­fram­leiðenda og út­flytj­enda koma sér á óvart, enda hafi ferli vinnu þeirra í samráðsnefnd verið útskýrt vel fyrir þeim frá upphafi. 

Samtökin gáfu frá sér sameiginlega tilkynningu í dag þar sem þau kölluðu vinnubrögð ráðherra forkastanleg. Segir í tilkynningunni að félagasamtökin hafi ekki fengið að koma sínum athugasemdum á framfæri við gerð skýrslu starfs­hópa Auðlind­ar­inn­ar okk­ar. 

Frétt af mbl.is

Segja vinnubrögð ráðherra „forkastanleg“

Kemur á óvart á þessum tímapunkti

„Þau eru fyrst og fremst að gera athugasemdir við formið, frekar heldur en innihaldið,“ segir Svandís í samtali við mbl.is

„Þetta hefur verið gagnsætt ferli frá byrjun og verkefnið sem slíkt var kynnt í samráðsgátt stjórnvalda í fyrravor og þar með skipulag vinnunnar. Því kemur á óvart að gerðar séu athugasemdir á þessum tímapunkti.“

Öllum sjónarmiðum haldið til haga

Spurð hvert hlutverk samráðsnefndar sé í raun í slíku ferli og hvort samtökin, sem öll sátu í nefndinni, hafi fengið færi á að koma sínum athugasemdum við skýrslunni á framfæri segir Svandís fjölmarga fundi hafa verið setna og ferlið kynnt vel fyrir þeim. 

„Það voru fjölmargir fundir í samráðsnefnd þar sem rædd voru og reifuð sjónarmið allan tímann. Þeim sjónarmiðum var öllum haldið til haga í vinnunni. Hins vegar er skýrslan sem skilað er skýrsla starfshópana, ekki skýrsla samráðsnefndarinnar, og þetta ferli lá fyrir allan tímann.“

Svandís segir það því koma henni á óvart að samtökin geri athugasemdir við ferlið núna, en ekki á meðan á því stóð. 

Tengdar fréttir

Auðlindin okkar

Telja frumvarp ógna lífskjörum og atvinnufrelsi

• Frumvarpið veiki sjávarútveginn
• Frestur til umsagnar framlengdur í annað sinn
• Fá merki um að sátt náist
• Telja ákvæði sjávarútvegsfrumvarpsins óljós

» Fleiri tengdar fréttir

• Blogga um frétt