Áætlað er að tekjur ríkissjóðs af auðlindagjöldum á sjávarútveg og fiskeldi verði 12,2 milljarðar króna árið 2024. Þar af er 2,1 milljarður vegna verðmætagjalds af fiskeldi, að því er fram kemur um tekjur ríkissjóðs í fjárlagafrumvarpi ríkisstjórnarinnar.

Aukning í gjaldtöku af fiskeldi verður til af samverkandi ástæðum. stærstan hluta hækkunarinnar má rekja til þess að verðmætagjaldið er hækkað úr 3,5% í 5%. Gerist þetta samhliða fyrirséðar hækkunar innheimtuhlutfalls í samræmi við aðlögunarákvæði sem fylgdi lagasetningu um gjaldtökuna sem samþykkt var árið 2019. Ákvæðið kveður á um að gjald á fiskeldi verði innleitt í stigum. Var í byrjun innheimt einn sjötti af gjaldinu og svo á að bæta við einum sjötta hluta fram til ársins 2026 þegar gjald leggst á að fullu.

Auk þessara beinu þátta er snúa að álagningu verðmætagjalds er gert ráð fyrir framleiðsluaukningu fiskeldis hér á landi sem skila mun auknum tekjum í ríkissjóð.

Veiðigjald á sjávarútveg gæti skilað um 10 milljörðum króna á næsta ári. mbl.is/Gunnlaugur

Veiðigjaldið sem innheimt er af sjávarútveginum byggir á afkomu við veiða hvers nytjastofns tveimur árum fyrir álagningu gjaldsins og er lagt á í krónum á hvert kílógramm óslægðs afla. Það er því ekki öruggt nákvæmlega hverjar tekjur ríkissjóðs verða en samkvæmt fjárlagafrumvarpi er gert ráð fyrir um 10 milljörðum króna.

Endanleg tekjuáætlun fyrir árið 2024 verður endurskoðuð þegar endanleg ákvörðun um álagningu veiðigjalda árið 2024 liggur fyrir hjá Skattinum í byrjun desember, að því er segir í kynningu á vef stjórnarráðsins.

Tengdar fréttir

Fiskeldi

Gagnrýna upptöku eldisgjalds

• Atvinnutekjur í fiskeldi 957 þúsund
• „Þetta er óásættanleg staða“
• Hafa opnað eldið upp á gátt
• Brennihveljur geta verið langvarandi vandamál

» Fleiri tengdar fréttir

Veiðigjöld

23 prósenta aukning veiðigjalda

• „Eins og að pissa í skóinn sinn“
• Veiðigjaldið skili 14,3 milljörðum
• „Er þetta réttlát skipting?“
• Þriðjungi meira í veiðigjöld

» Fleiri tengdar fréttir

Fjárlög 2024

Álit AGS tekur ekki tillit til fjárlaga

• „Frumvarpið lýsir firringu gagnvart fólkinu í landinu“
• Fagna áherslum í frumvarpinu
• Vitum að opinberi geirinn „þarf að líta í sinn rann“
• Ný hjúkrunarrými hvergi að finna í fjármálaáætlun

» Fleiri tengdar fréttir

• Blogga um frétt