Útgerðarfé­lag Ak­ur­eyr­inga (ÚA) mun sem sjálf­stætt fé­lag heyra sög­unni til og mun rekst­ur­inn fær­ast und­ir merki móður­fé­lags­ins Sam­herja. Útgerð und­ir merkj­um ÚA á sér langa sögu og er þetta í annað sinn sem fé­lag með um­rætt nafn hætt­ir starf­semi und­ir eig­in merkj­um.

Til­kynnt er um það í Lög­birt­ing­ar­blaðinu að hluta­fé­laga­skrá hafi borist samruna­áætl­un er snýr að yf­ir­töku Sam­herja á fé­lag­inu. Er samruni fé­lag­anna aft­ur­virk­ur og reikn­ast að hann hafi tekið gildi 1. janú­ar 2023.

„Frá og með þeim degi tek­ur yf­ir­töku­fé­lagið við öll­um eign­um og skuld­um, rétt­ind­um og skyld­um yf­ir­tekna fé­lags­ins sem telst þá reikn­ings­lega lokið. Fé­lagið mun bera nafn yf­ir­töku­fé­lags­ins eft­ir samrun­ann og samþykkt­ir þess með þeim breyt­ing­um, sem samrun­an­um fylgja, munu gilda um hið sam­einaða fé­lag,“ seg­ir í til­kynn­ing­unni.

Fyrst stofnað 1945

Sex stétt­ar­fé­lög og Sjálf­stæðis­fé­lag Ak­ur­eyr­ar samþykktu stofn­un út­gerðar árið 1945 og kaup á tveim­ur fiski­skip­um. Útvegs­mála­nefnd Ak­ur­eyr­ar­bæj­ar samþykkti að bær­inn legði fram 25% hluta­fjár og gaf út­gerðarfé­lag KEA vil­yrði fyr­ir 20% hluta­fjár. Úr varð fyrsta fé­lagið sem starf­rækt var und­ir merkj­um ÚA.

Um tíma ger­ist ÚA að bæj­ar­út­gerð en er síðar selt. Varð Eim­skip eitt af aðal­eig­end­um fé­lags­ins og eignaðist skipa­fé­lagið ÚA að fullu árið 2002.

Eim­skip seldi ÚA feðgun­um Kristjáni Guðmunds­syni, Guðmundi Kristjáns­syni og Hjálm­ari Kristjáns­syni fyr­ir 9 millj­arða króna árið 2004. Fóru kaup­in fram í gegn­um fé­lög­in Tjald, sem síðar varð Brim hf., og KG Fisk­verk­un á Rifi.

Vakið á ný

ÚA var end­ur­vakið sem fé­lag 2011 þegar Snæ­fell ehf., dótt­ur­fé­lag Sam­herja hf., gerði samn­inga við Brim um kaup á afla­heim­ild­um, tveim­ur skip­um (ís­fisk­tog­ar­ana Sól­bak EA 1 og Mars RE-205) og land­vinnslu á Ak­ur­eyri og Laug­um. Var kaup­verðið 14,5 milj­arðar króna.

Í frétta­til­kynn­ingu var haft eft­ir Þor­steini Má Bald­vins­syni, for­stjóra Sam­herja, að fyr­ir­tækið hafði lítið sem ekk­ert fjár­fest í sjáv­ar­út­vegi á Íslandi á þess­um tíma held­ur lagt áherslu á er­lend­ar fjár­fest­ing­ar. „Ræt­ur okk­ar liggja hér,“ sagði Þor­steinn Már. „Þegar þetta tæki­færi kom upp hér á heima­slóð fannst okk­ur, þrátt fyr­ir að blik­ur séu á lofti í út­veg­in­um, rétt að stíga fram og leggja okk­ar af mörk­um til að ekki verði frek­ari rösk­un á at­vinnu og lífs­kjör­um hér á svæðinu en orðin er.“

Frétt af mbl.is

Sam­herji kaup­ir Brim á Ak­ur­eyri

Tengd­ar frétt­ir

Sam­herji

Nýir hler­ar Vil­helms stand­ast vænt­ing­ar

• 80 ár frá upp­hafi ÚA
• Ekki sér­stakt mark­mið að vera efst
• „Ég er á marg­an hátt nokkuð bjart­sýnn“
• Skip­in í höfn og kom­in í spari­föt­in

» Fleiri tengd­ar frétt­ir

• Blogga um frétt