Kveður sáttur framkvæmdastjórastöðuna
Setja bókamerki
Friðrik Mar Guðmundsson er í óðaönn að svara símtölum og skipuleggja veisluhöld er blaðamann ber að garði. Á morgun verður haldið hátíðlega upp á 90 ára afmæli Kaupfélags Fáskrúðsfirðinga og 50 ára afmæli Ljósafells SU sem Loðnuvinnslan, dótturfélag kaupfélagsins, gerir út.
Tilkynnt var um það í apríl að Friðrik muni láta af störfum sem framkvæmdastjóri Loðnuvinnslunnar og Kaupfélags Fáskrúðsfirðinga síðar í haust eftir áratug í því starfi. Rætt er við Friðrik í Morgunblaðinu í dag.
Er erfitt að kveðja starfið?
„Nei, það er bara góð tilfinning. Ákvörðunin er svo sem ekki ný. Þegar mér var boðið þetta starf fyrir tíu árum, þá vorum við hjónin hugsi, okkur leið vel í Reykjavík, búin að búa þar í tólf ár. Við ákváðum að gefa þessu tækifæri og að gefa þessu tíu ár, en svo eru þau bara allt í einu liðin. Þetta líður fljótt þegar er nóg að gera og er gaman. Við höfum átt hér góð ár og ánægjuleg, ég og konan. Við erum mjög sátt við þessa ákvörðun. Börnin okkar og barnabörnin eru öll í Reykjavík og við erum að hugsa um að fara á það svæði þó við flytjum ekki alveg til Reykjavíkur. Við eigum sex barnabörn og viljum vera nærri þeim.“
Friðrik skilar af sér félagi í góðri stöðu. „Fyrirtækið hefur gengið vel. Eigið fé var fyrir tíu árum tæpir þrír milljarðar og er nú 16 milljarðar. Það hefur fimmfaldast á þessu tímabili. Félagið stendur mjög sterkt. Starfsfólkið er gott og það eru margir sem hafa unnið hér mjög lengi. Árangur næst ekki nema með góðu fólki.“
Loðnuvinnslan og Kaupfélag Fáskrúðsfirðinga hafa skilað samfélaginu tæplega 300 milljónum króna í formi styrkja á undanförnum tíu árum.
Söguleg loðnuvertíð
Spurður hvernig honum hafi litist á fiskveiðiárið 2022/2023 sem leið undir lok 31. ágúst svarar Friðrik: „Það hefur allt gengið vel. Þetta var gjafmild loðnuvertíð þó að verð á hrognum hafi verið miklu lægra, sem var þó viðbúið. Hrognin lækkuðu um 60 til 65% enda var ekki hægt að miða við verð sem voru áður. Ísland framleiddi 25 þúsund tonn og við framleiddum 5.300. Það hefur aldrei gerst í sögunni að einn aðili hafi framleitt svona mikið.“
Ítarlegra viðtal við Friðrik Mar Guðmundsson í Morgunblaðinu í dag.
Strandveiðar „efnahagsleg sóun“
Clinton fluttur á sjúkrahús
/frimg/1/53/82/1538213.jpg)
„Hálendið eiga menn að skoða“
Var að slitna frá bryggju sökum hvassviðris
Strandveiðar í forgangi
/frimg/1/41/23/1412311.jpg)
Segja Kínverja hindra framgöngu réttvísinnar
Feðgar saman í Grænlandstúr á jólum