Þökkuðu Gísla Svan fyrir 35 ára starf hjá FISK
Setja bókamerki
Um síðustu mánaðamót lét Gísli Svan Einarsson af störfum hjá FISK Seafood eftir 35 ár í starfi.
Fram kemur í færslu á vef útgerðarinnar að upphaf ferilsins megi „rekja til vorsins 1989 þegar Kaupfélagið fékk Gísla, sem þá var kennari við Samvinnuháskólann á Bifröst, til þess að koma norður og halda fyrirlestur um samskipti, þjónustulund og fleiri málefni. Mikil ánægja var meðal þeirra sem sóttu námskeiðið hjá Gísla og úr varð að Gísli var ráðinn í fullt starf hjá Kaupfélaginu í kaffipásu námskeiðsins.“
Hann hóf störf sem starfsmannastjóri hjá Kaupfélaginu en færði sig svo yfir í nýstofnað Útgerðarfélag Skagfirðings hf. og var meðal annars útgerðarstjóri þess í 18 ár.
„Gísli Svan hefur á þessum langa ferli sínum hér í Skagafirði komið víða við í störfum sínum fyrir FISK Seafood. Síðustu tvö árin hefur hann meðal annars grúskað í sögu félagsins allt frá árdögum þess þegar Fiskiðja Sauðárkróks var stofnuð 1955. Í upprifjun og ritstörfum Gísla um sögu félagsins mun handbragð hans vafalítið sjást um ókomna tíð,“ segir í færslunni.
Gísli Svan var nýverið heiðraður fyrir störf sín með hátíðlegum hætti. Var honum við tilefnið þakkað fyrir gott samstarf og óskað velfarnaðar.
Á þriðja tug látnir er árásum fjölgar í Úkraínu
Undirbúa herþjálfun allra pólskra karlmanna
„Var farinn að segja við mig að hann vildi deyja“
Öryggisþjónustan skaut mann nærri Hvíta húsinu
Eins og kraftaverk
Bandaríkin segja Póllandi að þakka fyrir sig
„Engill dauðans“ framseldur til Noregs
Fullur skilningur á stöðu Íslands