Lilja tjáir sig ekki um SKE
Setja bókamerki
Lilja Dögg Alfreðsdóttir, viðskipta- og menningarráðherra tjáir sig ekki um ólögmætar dagsektir Samkeppniseftirlitsins (SKE) á sjávarútvegsfyrirtkæði Brim. Málið er í skoðun í ráðuneytinu.
„Ég tjái mig ekki um það fyrr en það er búið að skoða það frekar. En það er í skoðun,“ sagði Lilja í samtali við mbl.is, stuttu eftir ríkisstjórnarfund í morgun. Málið var á dagskrá fundarins.
Svo sem frá hefur verið greint hefur áfrýjunarnefnd samkeppnismála fellt úr gildi ólögmætar dagsektir sem eftirlitið lagði á Brim, í tengslum við athugun á stjórnunar- og eignatengslum í sjávarútvegi.
Sektin var ólögmæt sökum þess að samningur SKE við matvælaráðuneytið um téða rannsókn samræmist ekki hlutverki eftirlitsins sem því er fengið í samkeppnislögum.
Í ljósi ólögmæti sektanna, krefst sjávarútvegsfyrirtækið G. Run. nú þess að SKE afhendi fyrirtækinu öll þau gögn og upplýsingar sem það hefur látið eftirlitinu í té vegna athugunarinnar.
Þá hafa Samtök atvinnulífsins einnig sagt að eftirlitið verði að gæta meðalhófs.
Fagnar breytingum en segir stefnuna enn óskýra
Seðlabankastjóri: „Vaxtalækkunarferlið er hafið“
Efling samdi við SFV
Að lágmarki 15.500 urðu fyrir áhrifum
Alvarlegasta rafmagnsleysið síðan 2019
Hætta að taka við reiðufé í búðinni
Veitur að hefja leit að heitu vatni
Rannveig: Ekki komin á „húrrandi fart niður Esjuna“