Vildu gögn um mörg þúsund einstaklinga
Setja bókamerki
Umfang skoðunar Samkeppniseftirlitsins á eignatengslum í sjávarútvegi, á grundvelli ólögmæts samnings við matvælaráðuneytið, náði til allra hluthafa í sjávarútvegsfyrirtækjum og varðar því mörg þúsund einstaklinga.
Voru til að mynda hluthafar í Síldarvinnslunni hf. 4.173 talsins 31. desember síðastliðinn og fjöldi hluthafa í Brimi hf. 1.912 hinn 30. júní, en hluthafar geta einnig verið lögaðilar í eigu fleiri einstaklinga. Við þetta bætast hundruð sem fara með hlut í óskráðum sjávarútvegsfyrirtækjum.
Með bréfi sem sent var sjávarútvegsfyrirtækjum í vor krafðist stofnunin ítarlegra persónugreinanlegra upplýsinga um alla hluthafa sjávarútvegsfyrirtækja án þess að nokkur neðri mörk væru í þeirri beiðni. Virðist því engu hafa skipt hve lítinn hlut einstaklingar hafa farið með í sjávarútvegsfyrirtækjum.
Í bréfinu var vísað til samkeppnislaga og var Brim beitt dagsektum þegar félagið neitaði að afhenda upplýsingarnar. Áfrýjunarnefnd samkeppnismála felldi í síðustu viku ákvörðun um dagsektir úr gildi og hafa sjávarútvegsfyrirtæki óskað eftir því að upplýsingar verði afmáðar úr kerfum stofnunarinnar.
Meira í Morgunblaðinu í dag, mánudag.
„Var farinn að segja við mig að hann vildi deyja“
Ríkisstjórn í fæðingu: Vilja efla landamæraeftirlit
Hver hraðahindrun kostar minnst 20 milljónir
„Engill dauðans“ framseldur til Noregs
Mögulega vísindaveiðar á hnúfubak
Hefur samþykkt kauptilboð í Herkastalann