VS-afli meiri vegna uppgjörsskilyrða?
Setja bókamerki
Sterkar vísbendingar eru um að mikla aukningu í VS-afla undanfarin ár megi rekja til þess að útgerðum hafi verið gert heimilt að gera upp við sjómenn á lægra verði fyrir slíkan afla en lágmarksverð Verðlagsstofu heimilar. Bein samsvörun virðist vera milli niðurstöðu Héraðsdóms Reykjaness þess efnis og að ör vöxtur færðist í nýtingu heimildar til að skrá afla sem VS-afla, að því er fram kemur í Morgunblaðinu.
Um er að ræða afla í veiðiferð sem skipstjóra er heimilt að ákveða að reiknist ekki til kvóta skipsins, er tilgangurinn að auka sveigjanleika og minnka brottkast. Selja þarf aflann á uppboði á fiskmörkuðum en aðeins 20% fellur í hlut útgerðar og 80% fara til ríkissjóðs, nánar til tekið Verkefnasjóð sjávarútvegsins.
Í niðurstöðu Héraðsdóms Reykjaness frá 13. nóvember 2017 í máli Sjómannasambands Íslands gegn Þorbirni hf. kom fram að það væri ekki brot að gera upp við sjómenn á grundvelli þeirra 20% sem falla í hlut útgerðar þegar VS-afli er annars vegar.
„Því hefur Verðlagsstofa miðað við þetta fyrirkomulag við útreikninga sína á aflahlut, þ.e. að skipt sé úr 20% þess aflaverðmætis sem fæst fyrir aflann á uppboðsmarkaði. Viðmiðunarverð á ekki við í slíkum tilfellum, heldur einungis um afla sem seldur er í beinum viðskiptum milli skyldra aðila (og í einhverjum tilvikum afla sem landað er til byggðakvóta),“ segir í svari Verðlagsstofu við fyrirspurn Morgunblaðsins.
Lesa má umfjöllunina í heild í Morgunblaðinu í dag.
Var að slitna frá bryggju sökum hvassviðris
Vonskuveður yfir jólahátíðina
KEF Spa: „Eitthvað sem þú hefur ekki séð áður“
Rúta með yfir 20 farþegum fór út af vegi
Spá 13-18 stiga frosti í borginni
Býst við meiri aðsókn í janúar
Búið að opna Hellisheiði
Mistókst að ræna hraðbanka