Birna í stjórn Iceland Seafood
Setja bókamerki
Birna Einarsdóttir, fyrrverandi bankastjóri Íslandsbanka, mun taka sæti í nýrri stjórn Iceland Seafood International hf. (ISI) í kjölfar aðalfundar félagsins sem fram fer á morgun.
Í tilkynningu sem send var Kauphöllinni kemur fram að fimm framboð í stjórn félagsins bárust fyrir framboðsfrestinn 19. október, en fimm eru í stjórn félagsins.
Jakob Valgeir Flosason framkvæmdastjóri Jakobs Valgeirs ehf. á Bolungarvík gefur kost á sér, en hann hefur átt sæti í stjórninni frá árinu 2019. Ingunn Agnes Kro sækist einnig eftir endurkjöri og hefur hún setið í stjórn frá 2019, en hún hefur setið í stjórnum fleiri félaga og er meðal annars stjórnarformaður Rariks og á sæti í stjórn Sjóvá.
Bergþór Baldvinsson, framkvæmdastjóri Nesfisks, mun einnig hafa gefið kosta á sér sem og Halldór Leifsson, sölu- og markaðsstjóri FISK Seafood, og munu þeir taka í sæti í stjórn ISI á morgun.
Guðmundur Kristjánsson varamaður
Hluthöfum er heimilt að kjósa allt að tvo varamenn í stjórn félagsins og mun Guðmundur Kristjánsson, forstjóri Brims, verða varamaður í stjórn félagsins en Brim festi nýverið kaup á 10,93% hlut í ISI sem var áður í eigu félags Bjarna Ármanssonar forstjóra ISI.
Tilkynnt var um það í september að Bjarni mun láta af störfum við lok októbermánaðar og mun þá Ægir Páll Friðbertsson, framkvæmdastjóri Brims, taka við stöðu forstjóra ISI.
„Það er nokkuð vandasöm vinna“
„Eins og að vakna upp í allt öðru lífi“
Ríkisstjórn í fæðingu: Vilja efla landamæraeftirlit
Eins og kraftaverk
„Var farinn að segja við mig að hann vildi deyja“
Hefur samþykkt kauptilboð í Herkastalann
Ökumaður jeppabifreiðar lést