„Landhelgisgæslan einungis að sinna hlutverki sínu“
Setja bókamerki
Landhelgisgæslan segir að hlutverk sitt á hafsvæðinu umhverfis Ísland sé skýrt og lögum samkvæmt beri stofnuninni að sjá til þess að lögum og reglum sé þar framfylgt.
Þetta segir í skriflegu svari frá Landhelgisgæslunni til mbl.is í kjölfar yfirlýsingar fyrirtækisins Sea Trips, sem á snekkjuna Amelíu Rose, í gær þar sem gagnrýnd voru vinnubrögð Landhelgisgæslunnar þegar varðskipið Þór stöðvaði Amelíu Rós og vísaði skipinu til hafnar á Akranesi.
Í yfirlýsingu frá forsvarsmönnum fyrirtækisins í gær segjast þeir langþreyttir á þeim ofstopa og yfirgangi sem þeir segjast hafa mætt af hálfu Landhelgisgæslunnar. Þá gagnrýndu þeir að snekkjunni hafi verið gert að sigla 8,1 sjómílur að hafnarsvæði Akraness þrátt fyrir að vera í 4,9 sjómílna fjarlægð frá Reykjavíkurhöfn þegar hún var stöðvuð af varðskipi Landhelgisgæslunnar.
Styttra til Akraness en Reykjavíkur
Í skriflegu svari Landhelgisgæslunnar til mbl.is segir:
„Við hefðbundið eftirlit áhafnarinnar á varðskipinu Þór kom í ljós að of margir farþegar voru um borð í umræddu skipi, miðað við útgefið farþegaleyfi, á því svæði þar sem eftirlitið fór fram. Við slíkar aðstæður eru skip send til næstu hafnar í þágu rannsóknarhagsmuna og öryggis farþeganna.
Í þessu tilviki var styttra til Akraness en til Reykjavíkur. Landhelgisgæslan ítrekar að lögum samkvæmt ber stofnuninni m.a. að annast löggæslu á hafinu og í þessu tilviki var Landhelgisgæslan einungis að sinna hlutverki sínu.“
Kvarta undan háttsemi Storytel
Gæti gosið í kringum 20. mars
Telja sig starfa hjá löglegum fyrirtækjum
Bandaríkin segja Póllandi að þakka fyrir sig
Verkföll valda gríðarlegri röskun
Mesta tjónið sagt vera á Akranesi
„Engill dauðans“ framseldur til Noregs
Tillagan meira í takti við sjónarmið lífeyrissjóða