Þrír skipstjórar grunaðir um brot
Setja bókamerki
Fiskistofa hefur til meðferðar mál frá júní 2022 þar sem þrír skipstjórar eru grunaðir um að hafa landað afla á strandveiðum án þess að löggiltur vigtarmaður hafi staðið að framkvæmd vigtunar. Einn skipstjóranna er grunaður um að hafa framkvæmt vigtun á afla úr sínum bát sjálfur og svo vigtað afla hinna tveggja strandveiðibátanna.
Þetta upplýsir Fiskistofa um þau mál sem eru til meðferðar hjá stofnuninni í svari við fyrirspurn Morgunblaðsins.
Þá segir að „stofnunin hafi í dag sjö brotamál á borði lögfræðinga til meðferðar þar sem grunur er um brottkast. Jafnframt eru sex brottkastsmál til viðbótar í vinnslu veiðieftirlitssviðs sem eru væntanleg til lögfræðinga til tilhlýðilegrar meðferðar.“ Auk þess eru til meðferðar mál vegna ófullnægjandi skila eða vanskila á aflaupplýsingum, vigtarbrota og fleiri atriða, en ekki liggur fyrir heildartala að svo stöddu.
Nánar er fjallað um mál sem hafa verið til meðferðar hjá Fiskistofu í Morgunblaðinu í dag.
„Það er verið að stela börnum“
Menntun og geðheilbrigði úkraínskra barna í forgrunni
Tregðan við að deila gögnum „ bara skrýtin“
Bóndinn í Hvalfirði ekki sáttur við myndina
Stuðlar eina úrræðið fyrir börn í geðrofi
Sögð kanna hvort feðginin hafi verið sofandi