„Staða mála hef­ur ekki áhrif á starf­semi út­gerðar en fisk­vinnsla í Grinda­vík hef­ur stöðvast. Stjórn­end­ur vinna við að bregðast við aðstæðum og munu taka ákv­arðanir í sam­ræmi við þróun mála,“ seg­ir í til­kynn­ingu sem Síld­ar­vinnsl­an sendi kaup­höll­inni í morg­un, en út­gerðarfé­lagið Vís­ir hf. í Grinda­vík er dótt­ur­fé­lag Síld­ar­vinnsl­unn­ar.

Gunnþór Ingva­son, for­stjóri fé­lags­ins, und­ir­rit­ar til­kynn­ing­una þar sem seg­ir að „stjórn­end­ur hafa yf­ir­farið stöðu fé­lags­ins út frá vá­trygg­ing­ar­vernd og telja fast­eign­ir og lausa­fé fé­lags­ins í Grinda­vík vera vel tryggt í sam­ræmi við lög vegna hugs­an­legs tjóns af völd­um jarðhrær­ing­anna. Starfs­menn og stjórn­end­ur vinna að því að verja verðmæti sem bund­in eru í hrá­efn­is- og afurðabirgðum í sam­ráði og sam­vinnu við yf­ir­völd.“

Frétt af mbl.is

„Það eru mjög stór­ir hlut­ir und­ir“

Jafn­framt kem­ur fram að áhersla sé lögð á að „hlúa að starfs­fólki og halda sam­bandi við það.“

Vak­in er at­hygli á að Vís­ir „hef­ur unnið af því að und­ir­búa og inn­leiða varn­ir og áætlan­ir til sam­ræm­is við þær sviðsmynd­ir sem al­manna­varn­ir og jarðvís­inda­menn höfðu sett fram í tengsl­um við jarðhrær­ing­ar á Reykja­nesi. Vörðuðu þær flest­ar áhrif tjóns á innviðum utan Grinda­vík­ur, s.s. á raf­orku­ver og hita­veitu. Ljóst er að þró­un­in und­an­farna sól­ar­hringa hef­ur verið önn­ur og verri gagn­vart byggð í Grinda­vík en þær sviðsmynd­ir gerðu ráð fyr­ir.“

Vinnslu á Seyðis­firði lokað 30. nóv­em­ber

Mik­il verðmæti í eigu dótt­ur­fé­lags­ins Vís­is eru und­ir þar sem fisk­vinnslu­hús þess full­hlaðið helstu tækninýj­ung­um grein­ar­inn­ar en fé­lagið hef­ur átt í þró­un­ar­sam­starfi við Mar­el frá ár­inu 2006. Hef­ur m.a. verið fjár­fest í sjálf­virk­um ró­bót­lausn­um fyr­ir pökk­un og flokk­un, skurðvél­um og flæðilínu.

Full­yrti Guðbjörg Heiða Guðmunds­dótt­ir, þáver­andi fram­kvæmda­stjóri fiskiðnaðar hjá Mar­el, í viðtali 2020 að hvít­fisk­vinnsla Vís­is væri ein sú tækni­vædd­asta og full­komn­asta á heimsvísu.

Frétt af mbl.is

Ein tækni­vædd­asta vinnsla í heimi í Grinda­vík

Til­kynnt var um kaup Síld­ar­vinnsl­unn­ar á Vísi í júlí á síðasta ári og hef­ur því verið spáð að öll bol­fisk­vinnsla fé­lags­ins myndi fær­ast til Grinda­vík­ur vegna sam­drátt­ar í ráðgjöf um heild­arafla í mik­il­væg­um bol­fisk­teg­und­um und­an­far­in ár.

Stjórn Síld­ar­vinnsl­unn­ar til­kynnti síðan í sept­em­ber síðastliðnum að bol­fisk­vinnsl­unni á Seyðis­firði yrði lokuð 30. nóv­em­ber og var 30 af 33 starfs­mönn­um sagt upp. Var í til­kynn­ingu bent á að öll fjár­mögn­un væri orðin dýr­ari og þorsk­heim­ild­ir dreg­ist sam­an, auk þess sem bol­fisk­vinnsl­an á Seyðis­firði væri kom­in til ára sinna og þyrfti að fara í um­fangs­mikl­ar fram­kvæmd­ir og fjár­fest­ing­ar til að koma henni í sam­keppn­is­hæft ástand.

Frétt af mbl.is

Vinnslu á Seyðis­firði verður lokað og 30 sagt upp

Ljóst er að vinnsla hefj­ist ekki á ný í Grinda­vík næstu daga og mögu­lega ekki í lengri tíma fari svo að hefj­ist eld­gos. Fisk­veiðar geta þó haldið áfram og er ekk­ert því til fyr­ir­stöðu að afl­inn verði seld­ur á markað eða unn­inn í sam­starfi við aðra sem reka fisk­vinnsl­ur.

Gunnþór kvaðst í sam­tali við 200 míl­ur ekki vilja á þessu stigi máls tjá sig um fram­haldið um­fram það sem fram kem­ur í til­kynn­ingu fé­lags­ins til kaup­hall­ar­inn­ar.

Frétt af mbl.is

„Munu vænt­an­lega ekki landa í Grinda­vík í bráð“

Tengd­ar frétt­ir

Síld­ar­vinnsl­an

„Brigsl­yrði og fúkyrðaflaum­ur skil­ar engu“

• Sam­drátt­ur í tekj­um og EBITDA hjá Síld­ar­vinnsl­unni
• 60 ár frá komu fyrsta skips SVN
• Kol­munn­inn streym­ir til Nes­kaupstaðar
• Unnu úr 247 þúsund tonn­um

» Fleiri tengd­ar frétt­ir

Eld­virkni á Reykja­nesskaga

Hætt­an ekki mik­il en er þó til staðar

• Lík­ur á eld­gosi aukast þegar líða fer á haustið
• Skjálfta­hrin­an geti bent til kvikuinn­skots
• Missti vinn­una og seg­ir nú sögu Grind­vík­inga
• Fimm stiga skjálfti fannst á Akra­nesi og Hellu

» Fleiri tengd­ar frétt­ir

• Blogga um frétt