Elín B. Ragnarsdóttir, sviðsstjóri veiðieftirlits Fiskistofu, kveðst sannfærð um að drónaeftirlitið færist á nýtt stig á næsta ári.

„Við erum að fá mun stærri og langdrægari dróna þannig að við getum farið að fylgjast með stærri skipum. Ég á von á því að við verðum komin með drónann í virkni á fyrsta ársfjórðungi. Þetta er dróni með margfalt flugþol miðað við þá sem við erum með núna og verður algjör bylting held ég,“ segir hún í samtali við 200 mílur sem fylgir Morgunblaðinu í dag.

Hvað er þetta langdrægur dróni? 15 til 20 kílómetra?

„Miklu meira en það,“ svarar Elín og hlær. „Hann getur flogið á allt að 100 kílómetra hraða og hefur fjögurra til fimm tíma flugþol. Ég held að við getum að minnsta kosti farið að fylgjast með á Halamiðum.“

Nánar í 200 mílum sem fylgir Morgunblaðinu í dag.

Tengdar fréttir

Eftirlit með veiðum

Drónaeftirlit verður einnig í nóvember

• Úrskurður Persónuverndar hvorki fugl né fiskur
• Viðar tekur við veiðieftirlitssviði
• Leggja til bann við heimavigtun bolfisks
• Skipstjórum óhóflega refsað öðrum til viðvörunar

» Fleiri tengdar fréttir