Vetrarmæling loðnu hefst í dag
Setja bókamerki
Vetrarmæling Hafrannsóknastofnunar á loðnu hefst í dag og taka að þessu sinni fjögur skip þátt í mælingunum; rannsóknaskipin Árni Friðriksson og Bjarni Sæmundsson auk uppsjávarskipanna Ásgríms Halldórssonar SF-250 sem Skinney-Þinganes gerir út og grænlenska skipsins Polar Ammassak.
„Aðkoma veiðiskipanna er fjármögnuð af loðnuútgerðum innan SFS (Samtaka fyrirtækja í sjávarútvegi). Stefnt verður að því að mæla á hefðbundnum útbreiðslu- og göngusvæðum loðnunnar á þessum árstíma utan við og meðfram landgrunnsbrúnum út af Vestfjörðum, Norður- og Austurlandi,“ segir Birkir Bárðarson, verkefnisstjóri hjá Hafrannsóknastofnun, í samtali við Morgunblaðið í dag.
Spurningu um tilhögun leiðangursins svarar hann: „Árni, Bjarni og Ammassak fara frá Hafnarfirði seinnipartinn [í dag] og hefja mælingar út af Vestfjörðum og mæla þaðan til austurs út af Norðurlandi. Vegna veðurs verður ekki hægt að hefja mælingar strax fyrir austan land en Ásgrímur mun leggja af stað frá Höfn í Hornafirði á miðvikudagskvöld og kvarða bergmálsmæli inni á einhverjum skjólgóðum firði áður en mælingar hans hefjast út af Austfjörðum.“
Fréttina má lesa í heild sinni í Morgunblaðinu í dag.
Fylgismunur leikur á hnífsegg vestanhafs
„Viljum sjá til þess að þetta gerist aldrei aftur“
Ráðherra haldi „kjarnagögnum“ leyndum
Sagði heiminn verða að styðja Ísrael í þágu friðar
„Ekki fyrsti karlinn sem gerir ráð fyrir rauða dreglinum“
Leggur fram vantrauststillögu á oddvitann
„Hann bara hverfur inn í myrkrið“
Staðreyndirnar sláandi og tafarlausra aðgerða þörf