„Þetta er búin að vera mik­il rúss­íbanareið og erum eðli­lega að meta þá kosti sem eru í stöðunni,“ seg­ir Gunnþór Ingva­son, fram­kvæmda­stjóri Síld­ar­vinnsl­unn­ar, spurður um næstu skref sam­stæðunn­ar í ljósi þess að vinnsla dótt­ur­fé­lags­ins Vís­is í Grinda­vík sé nú lokuð inn­an lok­un­ar­svæðis.

Vinnsla Vís­is er ein sú tækni­vædd­asta á land­inu og stóð til að vinna megnið af botn­fiskafla sam­stæðunn­ar í Grinda­vík. Mik­il verðmæti eru í fisk­vinnslu­húsi Vís­is enda hef­ur fé­lagið verið í vöruþró­un­ar­sam­starfi við Mar­el frá ár­inu 2006.

Spurður hvort það hafi verið til skoðunar að sækja vinnslu­tæk­in í Grinda­vík til að tryggja verðmæt­in svar­ar Gunnþór: „Það er í sjálfu sér ekk­ert sem ligg­ur und­ir skemmd­um. Svo er bara ekki aðgengi að neinni verðmæta­björg­un í Grinda­vík eins og staðan er núna.“

Hann seg­ir nú unnið að fjöl­breytt­um lausn­um í tengsl­um við vinnslu afla skipa Síld­ar­vinnsl­unn­ar. Meðal ann­ars er verið að vinna hluta af botn­fiskafla sam­stæðunn­ar í vinnsl­um fé­lags­ins í Þýskalandi.

Gunnþór Ingva­son, fram­kvæmda­stjóri Síld­ar­vinnsl­unn­ar. Ljós­mynd/​Aðsend/​Birg­ir Ísleif­ur Gunn­ars­son

Eru til staðar ein­hverj­ar áætlan­ir ef ekki tekst að hefja vinnslu í Grinda­vík í ein­hvern lengri tíma?

„Menn hljóta að átta sig á því að þessi óvissa sem er búin að vera í gangi í kring­um Grinda­vík hlýt­ur að snerta fyr­ir­tæk­in og þau hljóta öll að vera að búa til sviðsmynd­ir A, B og C. Það er búið að búa til svo­lítið mikið af sviðsmynd­um síðan 10. nóv­em­ber út frá því sem hef­ur verið uppi hverju sinni. Það er stöðugt verið að meta þetta.“

Gunnþór seg­ir lát­lausa vinnu standa yfir til að reyna að bregðast við sí­breyti­leg­um aðstæðum. „Það hef­ur verið unnið að ýms­um sviðsmynd­um sem hafa brostið dag­inn eft­ir, þannig að þetta er bara viðvar­andi verk­efni hjá okk­ur eins og hjá öll­um sem þetta snert­ir.“

Tengd­ar frétt­ir

Síld­ar­vinnsl­an

„Brigsl­yrði og fúkyrðaflaum­ur skil­ar engu“

• Sam­drátt­ur í tekj­um og EBITDA hjá Síld­ar­vinnsl­unni
• 60 ár frá komu fyrsta skips SVN
• Kol­munn­inn streym­ir til Nes­kaupstaðar
• Unnu úr 247 þúsund tonn­um

» Fleiri tengd­ar frétt­ir

Eld­virkni á Reykja­nesskaga

Skjálfti af stærðinni 3 á Reykja­nes­hryggn­um

• Ára­tug­ir gætu liðið fram að næstu gos­hrinu
• Hætt­an ekki mik­il en er þó til staðar
• Lík­ur á eld­gosi aukast þegar líða fer á haustið
• Skjálfta­hrin­an geti bent til kvikuinn­skots

» Fleiri tengd­ar frétt­ir

• Blogga um frétt