Forystumenn vélstjóra meta þessa dagana hvort nýgerður kjarasamningur Sjómannasambands Íslands (SÍ) og Samtaka fyrirtækja í sjávarútvegi (SFS) gæti hentað þeim, að því er fram kemur í Morgunblaðinu. VM og Sjómanna- og vélstjórafélag Grindavíkur eru enn með lausa samninga en vélstjórar felldu í atkvæðagreiðslu síðastliðið vor kjarasamning sem þá var gerður.

„Við erum svona að skoða þennan samning og reyna að aðlaga hann aðeins að okkur,“ sagði Guðmundur Helgi Þórarinsson formaður VM í gær, spurður álits á nýju sjómannasamningunum „Ég tel að menn hafi náð að sníða nokkra galla af þessum fellda samningi og svo hafa menn líka fengið þarna inn einhver atriði sem eru til bóta.“

Kveðst Guðmundur vona að takast muni að aðlaga samninginn að félagsmönnum hans svo hægt verði að bera hann undir atkvæði í félaginu. Meginkrafa vélstjóra er að fá tímakaupið leiðrétt sem snýr að störfum vélstjóra í landi en laun þeirra hafa staðið í stað frá 2019.

„Ég á von á að funda með samninganefndinni á morgun eða hinn og þá tökum við ákvörðun um hvort við kjósum um sama samning eða ekki,“ segir Guðmundur.

Nánar er fjallað um málið í Morgunblaðinu í dag.

Tengdar fréttir

Kjaramál sjómanna

Viðmiðunarverð þorsks aldrei hærra

• Djúpkarfakvótinn tryggði laun sjómanna
• Verðlagsstofuverð þorsks hækkar mikið
• „Þetta er hrein og klár misnotkun“
• Sjómönnum tryggt 54% meira fyrir þorskinn

» Fleiri tengdar fréttir