Klofningur um kvótasetninguna
Setja bókamerki
Enn ríkir mikill klofningur meðal grásleppusjómanna í tengslum við fyrirhugaða kvótasetningu veiðanna með frumvarpi til laga sem nú liggur fyrir Alþingi, að því er segir í umfjöllun Morgunblaðsins.
Á meðan Landssamband smábatáeigenda, Smábátafélag Reykjaness og fleiri lýsa algjörri andstöðu við frumvarpið í umsögnum til atvinnuveganefndar, lýsa aðrir yfir stuðningi við það.
„Undirritaðir lýsa yfir fullum stuðningi við frumvarp fyrirhugaðra breytinga og telja ljóst að stýring veiða með aflamarki í grásleppu muni leiða af sér ótvíræða hagkvæmni, sjálfbærni, stöðugleika, öryggi og fyrirsjáanleika veiða og vinnslu. Þá muni breytingarnar stuðla að nákvæmari, skarpari og meiri getu til sóknar inná nýja markaði og aukinnar vöruþróunar. Óvissan minnkar til muna og ólympískar veiðar með tilheyrandi umhverfisáhrifum hverfa. Því meiri sem fyrirsjáanleiki veiða og vinnslu er; því líklegra til árangurs. Það gildir um allar tegundir,“ segir í umsögn sjö grásleppuútgerða á Húsavík.
Undir umsögnina rita þeir Jóhann Gunnarsson sem gerir út Sóleyju ÞH, Sigurður Kristjánssson á Ósk ÞH, Gunnar Gunnarsson á Eyrúnu ÞH, Þórður Birgisson sem gerir út Mána ÞH, Guðmundur A. Hólmgeirsson á Aroni ÞH, Stefán Guðmundsson á Aþenu ÞH og Gunnlaugur K. Hreinsson eigandi GPG Seafood.
Einar E. Sigurðsson á Raufarhöfn er sammála grásleppuútgerðunum á Húsavík og mælir með samþykkt frumvarpsins. Það gera einnig félagsmenn bátafélagsins Ægis í Stykkishólmi.
Nánar má lesa um málið í Morgunblaðinu í dag.
/frimg/1/50/24/1502471.jpg)
Níu ára og tekur strætó upp í hesthús
„Lítur mjög illa út gagnvart þessum hópi fólks“
Gríðarleg uppbygging austan fjalls á tíu árum
„Ég mun drepa þig og fjölskyldu þína“
„Gert að vandamáli heilbrigðiskerfisins“
„Í pytti sem við vorum búin að sjá fyrir“
Mohamad Kourani sé siðblindur en sakhæfur