Sjómanna- og vélstjórafélag Grindavíkur (SVG) og Félag vélstjóra og málmtæknimanna (VM) hafa samþykkt kjarasamning við Samtök fyrirtækja í sjávarútvegi (SFS).

Þetta kemur fram í tilkynningu frá SFS.

Felldu samning í fyrra

VM samþykkti samninginn með 67,6% atkvæða en 31,3% greiddu atkvæði gegn samningnum. Kosningaþátttaka var um 64%.

SVG samþykkti samninginn með 56,4% atkvæða en 38,3% voru á móti. Kosningaþátttaka var 43.6%.

Í tilkynningu segir að breytingar hafi verið gerðar á samningnum frá því í febrúar í fyrra, en þá var hann felldur. 

Þá segir að tímakaup hafi verið hækkað, gefið hefur verið aukið svigrúm til uppsagnar samningsins, skerpt hefur verið á réttarstöðu í tengslum við slysa- og veikindarétta þeirra sem ráðnir eru með tímabundinni ráðningu meðal annars. 

„Við fögnum því að hafa nú gilda samninga við rúmlega 90% sjómanna á skipum fyrirtækja innan SFS. Það eykur fyrirsjáanleika sem tryggir hagsmuni okkar allra sem vinnum í þessari grein, ekki síst sjómannanna sjálfra,“ er haft eftir Heiðrúnu Lind Marteinsdóttur, framkvæmdastjóri SFS í tilkynningu.

Tengdar fréttir

Kjaraviðræður

„Það er búið að þvarga hérna fram og til baka“

• „Ég veit hver aðkoma ráðuneytisins var“
• Nýtt að gestalistinn sé umræðuefni á Alþingi
• „Bara eins og í annarri stórgripaslátrun“
• Efling vísar kjaradeilu til ríkissáttasemjara

» Fleiri tengdar fréttir

Kjaramál sjómanna

Djúpkarfakvótinn tryggði laun sjómanna

• Verðlagsstofuverð þorsks hækkar mikið
• „Þetta er hrein og klár misnotkun“
• Sjómönnum tryggt 54% meira fyrir þorskinn
• „Er þetta réttlát skipting?“

» Fleiri tengdar fréttir

• Blogga um frétt