Eftirlitsmenn á vegum Fiskistofu munu fljúga ómönnuðum loftförum til eftirlits með veiðum í mars. Vekur stofnunin athygli á þessu í tilkynningu á vef sínum og minnir á að upptökur eru skoðaðar vel og fiskur sem fer fyrir borð sé tegundargreindur.

„Fiskistofa vil því biðja sjómenn og útgerðaraðila að kynna sér vel reglur og lög um stjórn fiskveiða,“ segir í tilkynningunni.

Sérstaklega vekur stofnunin athygli á að óhætt er að sleppa hlýra og tindaskötu ef fiskarnir eru lífvænlegir, en skylt er að sleppa beinhákarli, háfi og hámeri ef lífvænleg.

Einnig eru reglur um hvað megi og skuli sleppa við mismunandi veiðar. Þá á að sleppa á grásleppu sem fæst í þorskfiskanet og er heimilt að sleppa lífvænlegum rauðmaga við grásleppuveiðar.

Umsvifalaust á að sleppa lífvænlegri lúðu sem fæst sem meðafli en fæst lúða á línuveiðum skal henni sleppt með því að skera á taum línunnar. Við handfæra- og sjóstangaveiðar á að losa lúðu varfærnislega af krókum eða skera á lykkju slóðans áður en lúða kemur um borð.

Tengdar fréttir

Eftirlit með veiðum

Skilaði ekki aflaupplýsingum í 22 skipti

• Sex vigtunarleyfishafar sættu eftirliti
• Sviptu Vestmannaey veiðileyfi í 2 vikur
• Drónaeftirlit verður einnig í nóvember
• Úrskurður Persónuverndar hvorki fugl né fiskur

» Fleiri tengdar fréttir

• Blogga um frétt