Fengu allir sokka í tilefni mottumars
Setja bókamerki
Allir karlar sem starfa hjá Samherja fá afhenta sokka í tilefni af „mottumars“ en útgerðin hefur um árabil stutt við þetta átak Krabbameinsfélagsins sem tileinkað er körlum með krabbamein. Að þessu sinni er lögð áhersla á gildi hreyfingar sem forvarnar gegn krabbameinum hjá körlum en um leið aflar félagið fjár fyrir starfsemi félagsins, meðal annars með sölu „mottumars“-sokka.
„ Við erum afar þakklát Krabbameinsfélaginu fyrir þetta átak. Krabbamein er sjúkdómur sem snertir allar fjölskyldur fyrr eða síðar með einhverjum hætti. Þess vegna er mikilvægt að gera allt sem hægt er til að stemma stigu við sjúkdómnum, meðal annars með Mottumars. Þetta metnaðarfulla árvekni- og fjáröflunarátak Krabbameinsfélagsins er kærkomið tækifæri til að taka höndum saman í vitundarvakningu um krabbamein,“ segir Anna María Kristinsdóttir mannauðsstjóri Samherja í færslu á vef útgerðarinnar.
Í færslunni er vakin athygli á að þriðji hver karlmaður greinist með krabbamein einhvern tímann á lífsleiðinni. Samkvæmt tölfræðilegri samantekt frá árunum 2017 til 2022 greindust 937 karlar árlega með krabbamein og á sama tímabili létust 325 karlar árlega úr krabbameinum. Þótt miklar framfarir hafi átt sér stað í meðferð krabbameina á undanförnum árum og fimm ára lífshorfur hafi aukist verulega er staðreyndin sú að fjórðungur dánarmeina er af völdum krabbameina.
Í fræðsluefni Krabbameinsfélagsins er undirstrikað að reglubundin hreyfing hafi ótvírætt gildi fyrir almenna heilsu og vellíðan. Rannsóknir hafi með afgerandi hætti sýnt fram á að hreyfing dragi úr líkum á ákveðnum krabbameinum og margvíslegum öðrum sjúkdómum.
Hundruð þjóðvarðliða á götum Los Angeles
Á adamsklæðum í hundruðum líkamsleita
Lögregla kom í veg fyrir átök við þjóðvarðliðið
„Snúið við því þið munuð ekki ná að Gasa“
„Hermenn alls staðar“ ef mótmælin aukast
Launamunur of lítill í landinu
Segir skemmdirnar líklega afturkræfar