Veiðigjöld tóku breytingum
Setja bókamerki
Veiðigjöld fyrir árið 2024 tóku nokkrum breytingum frá fyrra ári og hækkaði gjald á fleiri tegundum um áramótin. Til að mynda hækkaði veiðigjald á þorsk um 39%, í 26,66 krónur á kíló. Þá hækkaði veiðigjald á ýsu um 12% og endaði í 22,28 krónum á meðan veiðigjald á ufsa hækkaði um heil 60% og nemur nú 12,14 krónum á kíló, að því er fram kemur í Morgunblaðinu.
Á sama tíma lækkaði veiðigjald á makríl um 49% og um 14% í tilfelli djúpkarfa. Mesta hlutfallslega lækkunin var þó fyrir rækju, gulllax og grálúðu en gjald á þessar tegundir var fellt niður.
„Í tilvikum grálúðu, gulllax og rækju er niðurstaða útreiknings reiknistofns neikvæð og því tillaga Skattsins um fjárhæð veiðigjalds þessara tegunda 0 krónur á kílógramm á veiðigjaldsárinu 2024,“ útskýrir matvælaráðuneytið í skriflegu svari við fyrirspurn blaðamanns um grundvöll veiðigjalds ársins 2024.
Nánar er fjallað um málið í Morgunblaðinu í dag.
Barnsfaðir Ásthildar Lóu ekki mótfallinn umræðunni
Tímalína og trúnaðarsamskipti óljós
Ferðum aflýst hjá Icelandair: Aukin sala hjá Play
Maður stunginn þrívegis og þrettán í haldi
Stríðið heldur áfram og lífið gerir það líka