Áhöfninni á Snæfelli EA-310, frystitogara Samherja, safnaði ekki bara mottum í síðasta túr þeirra heldur tókst þeim einnig að safn tæplega hálfri milljón í tengslum við átakið mottumars á vegum Krabbameinsfélags Íslands.

Nokkrum dögum áður en lagt var í túrinn í síðasta mánuði fengu allir karlar sem starfa hjá samstæðu Samherja sokka í tilefni af átakinu. Í kjölfarið hafi komið fram sú hugmynd að taka þátt í skeggkeppni Mottumars og safna í þágu málefnisins í veiðiferðinni, segir Gylfi Víðisson undirstýrimaður á Snæfelli í færslu á vef Samherja.

Frétt af mbl.is

Fengu allir sokka í tilefni mottumars

Í upphafi var stefnan sett á að safna 250 þúsund krónum en niðurstaðan varð 471 þúsund krónur.

„Það var í raun Hafþór Björnsson háseti sem leiddi þetta og hvatti aðra í áhöfninni til dáða. Staðreyndin er að þriðji hver karlmaður greinist með krabbamein einhvern tímann á lífsleiðinni, þannig að þetta stendur okkur í raun nærri og áhöfnin var því sammála um að taka virkan þátt í Mottumars,“ útskýrir Gylfi.

Fór rólega af stað

Hafþór segir að söfnunin hafi rólega af stað en hafi tekið kipp er leið á veiðiferðina.

„Við skráðum okkur sem sagt til leiks og settum markmiðið á 250 þúsund krónur. Þegar líða fór á túrinn sendum við skilaboð til ættingja og vina um að taka þátt og í kjölfarið sáum við upphæðina hækka dag frá degi. Við endum í tæpri hálfri milljón króna og ég held að engum okkar hafi dottið í hug að þetta yrði niðurstaðan. Krabbameinsfélagið treystir á stuðning almennings og ég er viss um að þessir peningar koma að góðum notum.“

Flestir í áhöfninni tóku þátt í að safna skeggi. „Þetta skapaði ákveðna stemningu og Mottumars-sokkarnir komu að góðum notum. Margir okkar skörtuðu flottum og metnaðarfullum mottum í lok veiðiferðarinnar og það verður spennandi að sjá hversu margar verða látnar fjúka í landlegunni.“

Ingþór Björnsson vélstjóri, Guðjón Ragnarsson Baader-maður og Hafþór Björnsson háseti skörtuðu fínustu mottur í lok túrsins. Samsett mynd

„Þetta var skemmtilegt verkefni og jafnframt gefandi. Til þess að drífa svona söfnun áfram þarf helst að vera góð og jákvæð stemning og það er hún svo sannarlega um borð í Snæfelli. Við þökkum öllum þeim lögðu okkur lið í þessu mikilvæga árvekni- og fjáröflunarátaki, eitt er víst að áhöfn Snæfells EA-310 er ákaflega stolt af því að taka þátt í stuðningi við Krabbameinsfélag Íslands.“

Tengdar fréttir

Samherji

„Ég er á margan hátt nokkuð bjartsýnn“

• Skipin í höfn og komin í sparifötin
• Hæstiréttur hafnar kröfu Þorsteins Más
• Samherji hafði betur gegn Odee
• Hafa fjarfest meira en nemur hagnaði

» Fleiri tengdar fréttir

• Blogga um frétt