Óbreytt ráðgjöf rækju við Snæfellsnes
Ekki verður heimilt að veiða meira en 375 tonn af rækju út af Snæfellsnesi á þessu ári og því næsta.
mbl.is/Alfons
Setja bókamerki
Hafrannsóknastofnun ráðleggur í samræmi við varúðarsjónarmið að afli á svæðinu við Snæfellsnes verði ekki meiri en 375 tonn á yfirstandandi fiskveiðiári sem og því næsta, að því er segir í ráðgjafarskjali sem birt var á vef Hafrannsóknastofnunar í dag.
Þar segir að ráðgjöfin nái til tímabilanna 1. maí 2023 til 15. mars 2024 og 1. maí 2024 til 15. mars 2025, en tekið er fram að ráðgjöfin sé er framlenging á ráðgjöfinni sem var veitt í apríl á síðasta ári fyrir tímabilið 1. maí 2023 til 15. mars 2024.
„Lítið fékkst af þorski en mjög mikið fékkst af ýsu í stofnmælingu rækju við Snæfellsnes árið 2023. Skylda er að nota fiskiskilju við veiðarnar og er brottkast fisks talið óverulegt,“ segir í ráðgjöfinni.
Gosið gerir flugi enga skráveifu
Sprungan teygir sig í átt að bænum
Fólk fari eftir tilmælum: Mögulega stærri sviðsmynd
Telur langt gengið með frumvarpi um gæludýr
„Alltaf einhverjir sem vilja ekki fara“
Beint: Eldgos á Reykjanesskaga
Vilja banna einkaþotur og þyrluflug
