Niðurnjörvuð lög um strandveiðar
Setja bókamerki
/frimg/1/29/26/1292646.jpg)
„Ég er ekki viss um að allir átti sig á því að það eru fá lög, held ég hreinlega, eins niðurnjörvuð í sjávarútveginum og um strandveiðar,“ sagði Bjarkey Olsen Gunnarsdóttir matvælaráðherra þegar hún svaraði fyrirspurn Eyjólfs Ármannssonar um strandveiðar á Alþingi í vikunni.
Veiðarnar hefjast í byrjun maí og mega standa yfir fram í lok ágúst. Hver bátur má veiða á handfæri í 48 daga á tímabilinu.
Eyjólfur benti á að í fyrra var strandveiðitímabilið stöðvað 11. júlí, í hittifyrra var það stöðvað 21. júlí af því að svokallaður 5,3% pottur var búinn. Spurningin er þessi, sagði Eyjólfur: „Mun hæstvirtur matvælaráðherra skella í lás á miðju strandveiðitímabili verði þessi pottur búinn eða mun hún bæta í pottinn til að tryggja það að strandveiðimenn og sjávarbyggðir landsins fái 48 daga til að stunda strandveiðar í sumar?“
Fylgir ráðgjöf Hafró
Bjarkey sagði í svari sínu að Hafrannsóknastofnunin gæfi út ákveðinn kvóta og hún hygðist fylgja ráðgjöf stofnunarinnar. Af þessum kvóta færu 5,35% í félagslega pottinn og þar undir væru strandveiðarnar. Fiskistofa hefði auglýst eftir umsóknum og í pottinum væru 10 þúsund tonn af þorski.
„Þegar ég fékk bókina á borðið hjá mér áttaði ég mig á því að það er í rauninni fátt sem hægt er að gera sem einhverju skiptir, svona verulega, nema það fari fyrir Alþingi og gerðar verði lagabreytingar. Reglugerðarbreytingar eru ekki mjög auðveldar. Það er ekki hægt að tryggja 48 daga úthald í núverandi lagaumhverfi.“
Nánar í laugardagsblaði Morgunblaðsins.
Dó næstum því áður en allt byrjaði
Ráðuneytið skammti mismunandi gögn
Miðflokkur aldrei stærri: „Kominn tími á kosningar“
Samfylkingin niður í 27% og VG út af þingi
„Það þarf að fara að rannsaka hvað er að gerast“
/frimg/1/50/16/1501697.jpg)
Íslendingar feimnari við að greina frá hættum
Troða upp í minningu Steingríms
Enn verið að semja um Ölfusárbrú