Gunnþór Ingvarsson forstjóri Síldarvinnslunnar og Hermann Björnsson forstjóri Sjóvá undirrituðu nýlega áframhaldandi samstarfssamning um tryggingar. Samningurinn felur í sér að Sjóvá tryggir starfsemi Síldarvinnslunnar, Vísis og tengdra félaga, að því er fram kemur í fréttatilkynningu frá Sjóvá.

Fram kemur að í samningnum er lögð áhersla á áframhaldandi samstarf um forvarnir og öryggismál hjá umræddum fyrirtækjum.

Síldarvinnslan hf. er eitt af stærstu sjávaræutvegsfyrirtækjum landsins og er stærst á sviði veiða og vinnslu uppsjávartegunda, auk þess að vera stærstiu framleiðandi fiskimjöls og lýsi á Íslandi.

„Þessi samningur er okkur afar mikilvægur, og ánægjulegt að við séum að ná saman um áframhaldandi tryggingar fyrir Síldarvinnsluna. Sjóvá var auðvitað stofnað í kringum tryggingar í sjávarútvegi og áfram viljum við vera sterk og standa með þessari undirstöðuatvinnugrein okkar Íslendinga. Við hlökkum því til að halda áfram að byggja við þetta farsæla samstarf, sem hefur meðal annars reynst árangursríkt þegar litið er til forvarna,“ segir Hermann.

Þá er í tilkynningunni vakin athygli á því að Sjóvá hefur tengst íslenskum sjávarútvegi sterkum böndum allt frá stofnun Sjóvátryggingafélags Íslands árið 1918. „Sjóvá býður upp á víðtæka tryggingarvernd fyrir fólk og fyrirtæki sem starfa í sjávarútvegi og hefur að auki lagt mikla áherslu á forvarnarstarf og öryggismál í greininni, meðal annars með öflugu samstarfi við fyrirtæki eins og Síldarvinnsluna.“

Tengdar fréttir

Síldarvinnslan

Unnu úr 247 þúsund tonnum

• Jólasíld ársins í fötur
• Samherji tekur Birting á leigu
• Fjölnir til Noregs
• Kaup Síldarvinnslunnar ganga til baka

» Fleiri tengdar fréttir

• Blogga um frétt