Níu ára stöðugleikaskeið í kjaramálum sjómanna
Setja bókamerki
Margt bendir til þess að íslenskur sjávarútvegur gangi nú inn í sögulegt tímabil stöðugleika í samskiptum útgerðarmanna og sjómanna, en öll stéttarfélög sjómanna á Íslandi hafa samþykkt kjarasamninga við Samtök fyrirtækja í sjávarútvegi (SFS). Samkvæmt gildistíma þeirra munu kjarasamningarnir gilda næstu níu árin.
Í gær var tilkynnt um niðurstöðu atkvæðagreiðslu innan Sjómannafélags Íslands um nýjan kjarasamning við SFS og var hann samþykktur með 61% greiddra atkvæða gegn 39%, en kosningaþátttaka var 28,5%.
Þar á undan, 5. mars, samþykktu vélstjórar kjarasamning VM og SFS, sem skrifað var undir 22. febrúar síðastliðinn. Samningurinn var samþykktur með 67,6% greiddra atkvæða. Um leið samþykktu einnig félagsmenn Sjómanna- og vélstj´roafélags Grindavíkur nýjan samning með 56,4% atkvæða.
Hafði tekist að landa samningum við vélstjóra í kjölfar þess að gengið var frá samningum SFS og Sjómannasambands Íslands. Atkvæðagreiðslu meðal félagsmanna Sjómannasambandsins lauk 16. febrúar og samþykktu tæp 63% nýjan samning við SFS en 37% greiddu atkvæði gegn honum.
Félag skipstjórnarmanna samþykkti samninga við SFS á síðasta ári en önnur stéttarfélög sjómanna hafnaði þeim samningum.
„Sannkallað fagnaðarefni“
„Það er sannkallað fagnaðarefni að samningar við sjómenn séu í höfn til næstu níu ára. Það eykur á fyrirsjáanleika sem tryggir hagsmuni okkar allra sem vinnum í þessari grein, ekki síst sjómannanna sjálfra,“ segir Heiðrún Lind Marteinsdóttir, framkvæmdastjóri SFS, í tilkynningu á vef samtakanna í tilefni af samþykkt kjarasamnings SFS og Sjómananfélagsins.
Í tilkynningunni er bent á að megininntak samningsins lýtur að betri kjörum og réttindum til framtíðar, auk hnitmiðaðra aðgerða til að auka traust við skipti á verðmætum úr sjó. Greiðslur í lífeyrissjóð og kauptrygging hækka í samræmi við samninga á almennum vinnumarkaði, auk þess sem áhersla er lögð á aukið gagnsæi og upplýsingagjöf vegna fiskverðsmála.
Andleg og líkamleg heilsa verri en annarra
Viðtalið sem sprengdi meirihlutann?
„Lán að sá sem stóð við ræsið heyrði skruðningana“
„Bara eins og í annarri stórgripaslátrun“
Skemmdir á tækjum og búnaði á skíðasvæðinu
Ekkert breyst í samstarfinu nema fylgi flokkanna
Nýtt að gestalistinn sé umræðuefni á Alþingi
„Ég veit hver aðkoma ráðuneytisins var“