Heimildirnar klárast hratt
Setja bókamerki
Það hefur fiskast vel á strandveiðunum frá því að þær hófust 2. maí síðastliðinn og áætlar Fiskistofa að það séu 25 veiðidagar eftir þar til heimildirnar sem ráðstafað var starndveiðum klárist, að því er fram kemur í Morgunblaðinu í dag.
Strandveiðibátarnir hafa landað 3.060 tonnum á þeim tíu veiðidögum sem liðnir eru, þar af 2.860 tonnum af þorski samkvæmt skráningu á vef Fiskistofu eins og hún var um hádegisbil í gær.
Bátarnir fengu í upphafi vertíðar úthlutaðar heimildir fyrir tíu þúsund tonnum af þorski og eru því aðeins 7.139 tonn af þorski og því margt sem bendir til að heimildirnar klárist í lok næsta mánaðar, en bundnar eru vonir við að ríkið nái að næla sér í frekari þorskkvóta á skiptimarkaði fyrir þann tíma. Það er þó mikil óvissa tengd því hvað fæst í slíkum skiptum.
Nánar má lesa um málið í Morgunblaðinu í dag.
Strandveiðar „efnahagsleg sóun“
Ofmeta sparnað í stjórnarráðinu
Var að slitna frá bryggju sökum hvassviðris
Hellisheiði og Þrengsli ekki opnuð í dag
Feðgar saman í Grænlandstúr á jólum
Clinton fluttur á sjúkrahús