Jákvæð skref eru stigin í fyrirætlunum um aukna sókn í hafrannsóknum og eflingu stjórnsýslu fiskeldis, með þeim áherslum í fjármálaáætlun ríkisins fyrir árin 2025-2029 sem liggur fyrir Alþingi. Þetta segir í umsögn Samtaka fyrirtækja í sjávarútvegi. Útgerð og eldi séu grunnþættir í verðmætasköpun og hagsæld.

Í umsögn SFS er goldinn varhugur við aukinni gjaldtöku í sjávarútvegi og fiskeldi. Umfang sértækrar gjaldtöku í þessum greinum sé umfram allt sem þekkist hjá samkeppnisþjóðum. Tryggja þurfi samkeppnishæfni og svigrúm til fjárfestinga.

Mikilvægt er, að mati SFS, að vel sé hugað að rannsóknum á lífríki sjávar og að Hafrannsóknastofnun sé tryggt fé. Slíkt sé forsenda sjálfbærrar nýtingar á fiskistofnum og jákvæðrar kynningar á sjávarútvegi á erlendum mörkuðum. SFS telur því jákvæð skref stigin í fjármálaætlun með því að að auka framlög til hafrannrannsókna og fiskveiðieftirlits um 700 millj. kr. árin 2025-2026 og enn meira í framhaldinu.

Tengdar fréttir

Hafrannsóknastofnun

Fyrsta marsralli Þórunnar lokið

• Frumkvöðull með smitandi áhuga
• Spara hundruð tonna af olíu árlega
• Söguleg tímamót íslenskra hafrannsókna
• Er ólíkt rannsóknarskipum annarra þjóða

» Fleiri tengdar fréttir