Sætir takmörkunum í 37 ríkjum
Setja bókamerki
Reglur um losun skolvatns úr opnum útblásturshreinsibúnaði skipa (e. open loop scrubber) eru víða strangari en hér á landi, að því er fram kemur um málið í umfjöllun Morgunblaðsins. Skolvatnið inniheldur mörg efni sem talin eru geta skaðað umhverfið. Hreinsikerfin voru tekin í notkun í þeim tilgangi að draga úr loftmengun, sérstaklega við bruna svartolíu.
Búnaðurinn virkar þannig að þessi hreinsikerfi dæla inn sjó og úða honum yfir útblástur sem skip mynda við brennslu eldsneytis og binda mengunarefnin í vökvann áður en útblæstri er sleppt í andrúmsloftið. Síðan er vökvanum með hinum mengandi efnum sleppt í sjóinn.
Á heimsvísu hefur fjöldi ríkja sett reglur sem setja hömlur á notkun búnaðar af þessum toga. Þar af hafa 37 sett alhliða eða svæðisbundið bann við losun skolvatns í sjó. Ellefu ríki banna að losað sé skolvatn innan landhelgi og verða þau orðin tólf 1. júlí 2025 þegar bann tekur gildi í Danmörku. Þá eru tólf ríki sem banna losun skolvatns í höfnum og fjórtán sem banna slíkt athæfi í ákveðnum höfum og/eða á ákveðnum svæðum.
Ekki hefur verið gripið til takmarkanna á losun skolvatns úr slíkum búnaði hér á landi.
Nánar má lesa um málið í Morgunblaðinu í dag.
Spyr hvort ekki þurfi að fara fram rannsókn
Staðan verri en þegar lægsta punktinum var náð
Skilaboðin að það sé í lagi að tala ekki íslensku
„Þetta er risasigur“
Ræddu um mögulega eignaraðild á kjarnorkuveri
Kafbátarnir auðvelda vöktun neðansjávarstrengja
Ekki sjálfsagt að Ísland verði undanskilið